ASTANA. 6 shilde. Keshe fýtboldan Qazaqstan premer-lıgasynyń 19-týry aıaqtaldy. Týr aıasynda kósh basyndaǵy komandalardyń barlyǵy jeńiske jetti. Syrt alańda «Shahtermen» kezdesken «Qaırat» qarsylastarynyń qaqpasyna jaýapsyz 5 gol soǵyp, tarıhyndaǵy kezekti iri esepti tirkedi. Bul týraly egemen.kz habarlady.
Jalpy, bul týrda asa tartysty ótken oıyn retinde «Aqtóbe» men «Oqjetpes» arasyndaǵy matchty aıtýǵa bolady. Aqtóbelikter óz alańynda oınaǵanyna qaramastan, keı sátterde osaldyq tanytyp jatty. Nátıjesinde qonaqtar 20-mınýtta gol soǵyp, esep ashty. Goldyń avtory – Rýslan Sahalbaev. Alań ıeleri tarazy basyn teńestirý múmkindigin tek ekinshi taımda ǵana tapty. Osy rette «Aqtóbeniń» ekinshi taımda ǵana óz oıyn órnegin tapqanyn aıta keteıik. Júıeli shabýyldar men myǵym qorǵanys komandanyń sońǵy mınýtqa deıin 4 dop soǵýyna múmkindik berdi. Al qarsylastar taǵy bir márte kózge túskenderimen, odan árige shamalary jetpedi. Oıyn sońynda tablodaǵy kórsetkish «Aqtóbeniń» paıdasyna 4:2 esebin kórsetip turdy.
«Taraz» (Taraz) – «Jetisý» (Taldyqorǵan) 2:0 (0:0)
Goldar: Sýleı 61, Pıshýr 84 (2:0).
«Astana» (Astana) – «Qaısar» (Qyzylorda) 2:0 (1:0)
Goldar: Rozybaqıev 26 avtogol, Nóserbaev 48 (2:0).
«Atyraý» (Atyraý) – «Ertis» (Pavlodar) 0:0
«Shahter» (Qaraǵandy) – «Qaırat» (Almaty) 0:5 (0:2)
Goldar: Serjıo 6 penaltı, Rıera 13, 59, Sıseı 72, Kókeev 83.
«Ordabasy» (Shymkent) – «Tobyl» (Qostanaı) 2:0 (1:0)
Goldar: Malyı 45+2, A.Nurǵalıev 67.
«Aqtóbe» (Aqtóbe) – «Oqjetpes» (Kókshetaý) 4:2 (0:1)
Goldar: Korobkın 48, Hıjnıchenko 50, 64, 84 – Sahalbaev 20, Rotkovıch 67.
6 shildege deıingi nátıjeler boıynsha týrnır kestesi
Úzdik mergender:
- Jerar Goý («Qaırat») – 18 gol;
- Lýka Rotkovıch («Oqjetpes») – 8 gol;
- Dýshan Savıch («Jetisý»), Sergeı Hıjnıchenko («Aqtóbe») – 7 gol.
20-týr oıyndary 11-12 shildede oınalady. Atalǵan týrdaǵy qarsylastar tómendegideı:
«Tobyl» – «Astana»
«Oqjetpes» – «Taraz»
«Shahter» – «Atyraý»
«Qaırat» – «Qaısar»
«Ertis» – «Aqtóbe»
«Jetisý» – «Ordabasy».
Elaman Qońyr.
Derek: egemen.kz.
Sýret: vk.com, fca.kz.
