ASTANA. 6 shilde. Búgin Astanada elorda kúnine oraı salmaǵy 746 kılo tartatyn et daıyndaldy. Bul álem boıynsha bir mezette eń kóp mólsherde daıyndalǵan besbarmaq retinde Gınnesstiń rekordtar kitabyna engizildi. Bul týraly egemen.kz habarlady.
Qaladaǵy «Ǵashyqtar» saıabaǵynda «Taıqazan» degen atpen ótken sharany Qazaqstan halqy assambleıasy, Qazaq geografııalyq qaýymdastyǵy jáne Astana qalasynyń ákimdigi uıymdastyrdy.
Ulttyq taǵamdy daıyndaý úshin 500 kg. et, 300 kg. pııaz jáne 300 kg. un satyp alynǵan. Uıymdastyrýshylardyń aıtýynsha, onyń bári birdeı paıdalanylmaǵan. Sebebi, daıyn ónimniń ózi Gınness kitabynyń talaptaryn oryndaý úshin jetkilikti boldy. Nátıjesinde Túrkııadan arnaıy kelgen atalǵan kitaptyń ókilderi «Eldiń basty ulttyq taǵamyn ázirleý» degen ataýmen bul etti rekordtar qataryna qosty. Talaptarǵa sáıkes, taǵam tek dástúrli tásilmen bir qazanda daıyndalýy qajet bolǵanyn aıta keteıik.
Aspazdar quramy 25 adamnan turatyn etten kelýshiler dám tatyp óz baǵalaryn berdi.
Elaman Qońyr.
Derek: egemen.kz.
Sýret: astana.gov.kz.
