«Eýrovıdenıe-2015» án baıqaýyn Shvesııa ánshisi jeńip aldy (vıdeo)

ASTANA. 24 mamyr. Avstrııa astanasy – Venada ótken «Eýrovıdenıe-2015» án baıqaýynda Shvesııa ánshisi Mons Zelmerlev jeńimpaz atandy. Bul týraly euronews.com habarlady. Baıqaýda Zelmerlev Heroes («Batyr») ánin shyrqady. Nátıjesinde 365 upaı ıemdengen ol jeńimpaz atandy. Shved ánshisine basty syılyq – shyny mıkrofondy ótken jylǵy jeńimpaz Konchıta Výrst tabys etti. Endi 2016 jylǵy baıqaý Shvesııa astanasy – Stokgolmde ótedi. Aıta keter jaıt, Zelmerlev bul saıysqa úshinshi múmkindiginde ǵana joldama alǵan. Alǵashqy eki sátsizdiginde oryndaǵan án keıin Reseıdiń belgili ánshisi Fılıpp Kırkorovtyń repertýaryna engen. Shvedtiń jeńisi jankúıerlerine zor qýanysh syılaǵanymen, bul belesti Shvesııa bıliginiń qalaı qabyldaǵany belgisiz. Sebebi, baıqaýǵa kelgen shved delegasııasynyń basshysy Krıster Berkman buǵan deıin «Eýrovıdenıeni» uıymdastyrý óte qymbatqa túsetinin aıtqan edi. Baıqaý nátıjesinde 2-oryn Reseı ánshisi Polına Gagarınaǵa buıyrdy. Onyń oryndaýyndaǵy Million Voices áni kórermenderdiń kóńilinen shyqty. Al úzdik úshtikti Grande Amore ánimen II Volo trıosy (Italııa) túıindedi. Atalǵan án saıysy bıyl 60-she ret uıymdastyryldy. Oǵan 40 eldiń ókili qatysty. Al fınalda birinshi jáne ekinshi jartylaı fınaldyń qorytyndysy boıynsha iriktelgen 27 eldiń ánshisi óner kórsetti. Elaman Qońyr. Derek: euronews.com. Sýret: reuters.com.