Stepnogorsk qalasyna jańa ákim taǵaıyndaldy

ASTANA. 24 mamyr. Aqmola oblysynyń ákimi Sergeı Kýlagın Stepnogorsk qalasyna jasaǵan issapary barysynda máslıhattyń kezekten tys sessııasyn ótkizip, onda qalanyń jańa basshysyn taǵaıyndady. Depýtattardyń aldynda oblys ákimi jańa qyzmetke otyrǵan Ánýar Kúmpekeevti tanystyrdy. Bul týraly zakon.kz habarlady. Sergeı Kýlagın máslıhat depýtattaryna Prezıdent Ákimshiliginiń kelisimimen Stepnogorsk qalasynyń ákimi bolyp Ánýar Kúmpekeev taǵaıyndalǵanyn málimdedi. Sessııada oblys ákimi jańa basshynyń mol tájirıbeli, jetekshilik qabileti joǵary, isker azamat ekeninne erekshe toqtaldy. Sondaı-aq, Sergeı Kýlagın jańa ákim qalanyń damýyna aıanbaı eńbek etip, halyqpen tyǵyz baılanys ornatyp, jumys jasaıdy dep senim bildirdi. Aıta keteıik, Ánýar Kúmpekeev 1984 jyly týǵan. 2005 jyly Máskeýdegi Mıhaıl Lomonosov atyndaǵy memlekettik ýnıversıtettiń ekonomıst bakalavr mamandyǵyn bitirgen. Al 2007 jyly Ulybrıtanııanyń Bredfor ýnıversıtetinde ekonomıka salasy boıynsha magıstratýrany támamdaǵan. Sonymen qatar, «Bolashaq» baǵdarlamasynyń túlegi. Ánýar Kúmpekeev eńbek jolyn 2005 jyly Qazaqstan Respýblıkasy Densaýlyq saqtaý mınıstrligi qarjy jáne ekonomıka departamentinde jetekshi maman bolyp bastaǵan. Sondaı-aq, ol túrli qyzmetterde abroıly jumys istegen. 2012 jyldan osy kúnge deıin Stepnogorsk qalasy ákiminiń orynbasary qyzmetin atqaryp keldi. Sessııadan soń oblys ákimi Sergeı Kýlagın qala aktıvterimen jıyn ótkizip, jańa basshyny tanystyrdy. Talǵat Raıymbek. Derek, sýret: zakon.kz.