Araldan tabylǵan ótken ǵasyr sálemdemesi

Germanııanyń Amrým aralynan 1904 jyldyń, Frız araldarynan 1906 jyldyń tańbasy salynǵan eki bótelke tabyldy. Associated Press agenttiginiń habarlaýynsha, olar bıylǵy jyldyń sáýir aıynda belgili bolypty. «Interfaks» portalynyń jazýynsha, ǵalymdar XX ǵasyrdyń basynda myń dana bótelkeni Soltústik teńizge aǵyzyp jibergen. Olar osylaısha teńiz aǵysynyń baǵytyn anyqtap almaqshy bolady. Al shyny ishindegi sálemdemede muny tapqan adamnan ony Ulybrıtanııa teńiz bıologııalyq assosıasııasyna ótkizý ótinilgen eken. Sonymen birge, tapqan kisige bir shıllıng kóleminde aqy tólenetini de aıtylypty. «Biz qatty tolqyp turmyz. Sebe­bi, bótelkeden osyndaı sálemdeme alamyz dep oılaǵan joq edik», – dedi osyǵan oraı assosıasııa ókili Gaı Beıker. Ol buǵan XX ǵasyrdyń basynda teńizge jiberilgen bul bótelkeler partııasynyń basym bóligi budan onshaqty jyl buryn jınap alynǵanyn qosty. Assosıasııa endi Gınness rekordtar kitabynan Amrým aralynan tabylǵan bótelkeni eń kóne osyndaı sálemdeme retinde tirkeýdi ótinish etkeli otyr. Buǵan deıingi eń baıyrǵy bótelke 1914 jyly jiberilip, 99 jyldan keıin tabylǵan eken. Murat AITQOJA.