Oblys ákiminiń 120 granty men 238 shákirtaqysy

Aqmola oblysynyń ákimi Sergeı Kýlagın «Dostyq jáne qoǵam­dyq kelisim» úıinde «Elba­symen birge jastardyń 100 qa­damy» taqyryby aıasynda jastar ókilderimen kezekti kezdesý ótkizdi. Astana meıramymen oraılastyrylǵan sharada «Qazaqstan-2020: bolashaqqa jol» atty Qazaqstan Respýblıkasy Memlekettik jas­tar saıasaty tujyrymdamasyn iske asyrý qadamdary talqyǵa salyndy. – Elbasy N.Nazarbaevtyń ja­ńa dáýir­di tutastaı qamtıtyn 5 ınstıtýttyq reformasy bola­shaqtyń tiregi ári sol dáýirdiń ıgilikterin jasaýshy sizderge úlken jaýapkershilik júkteıdi, – dedi óńir basshysy óz sózinde. Táýelsizdigimizdiń alǵashqy kún­derinde-aq prezıdenttik «Bola­shaq» baǵdarlamasy qabyldandy. Qazaqstandyq, onyń ishinde biz­diń oblysymyzdyń jastary da álemniń ozyq bilim ordalarynda oqyp, elimizge adal qyzmet etý­de. Tyń oılarymen, jańa bas­tamalarymen úlgi kórsetip júr­gen mundaı jastar óńirimizde az emes. Máselen, «Bolashaq» baǵdar­lamasy túlekteriniń biri mem­lekettik qyzmet satylarynan ótip, jýyrda ǵana ónerkásipti Step­nogor qalasynyń ákimdigi laýazymyna taǵaıyndaldy. Qazirgi kúni bilim izdep mindetti túrde shetel asýdyń qajettigi joq­tyǵyn tilge tıek etken Sergeı Vıtal­evıch jınalǵan jastarǵa qýa­nysh­ty habaryn da jetkizdi. En­digi jerde medısınalyq oqý oryn­daryna túsýge nıet bildirgen aqmola­lyqtarǵa 120 grant, al ózge de jo­ǵary oqý oryndary men tehnı­kalyq jáne kásibı mektepke qabyl­danǵandarǵa 238 shákirtaqy taǵaı­yndalatyn bolady. Baqbergen AMALBEK, «Egemen Qazaqstan». Aqmola oblysy.