О́tken jyldy jasaýy túgel uzatqan qyzdaı etip, sán-saltanatymen shyǵaryp salyp, jaqsy tilek, izgi nıetpen Jańa jyldy qarsy aldyq. Bul jyldyń da ózindik ereksheligi, atap óter kúnderi, ulttyń jaqsylarymyzdyń mereıimizdi ósiretin, bizde de bar eken-aý degizetin mereıtoılary bul jylda da barshylyq eken. Ondaı arystarymyzdyń ótken jolyna oı jiberseń, olar halqyn bereke-birlikke úndep, teris basqandy ońǵa buryp, ótkenge topyraq shashpaı, úlgilisinen taǵylym alyp, áı-kápirin tabanǵa salyp, ósip-órkendep kele jatqan jasty jelep-jebep, almastaı kóńilin qaıtaryp almas úshin asylǵa teńep, kórsete bilgen kómegin. Mańdaıy jarqyrap, tańdaılarynan marjan tókken sol abyroıy asqaq qasterli kisiler ult baǵy, jurttyń baǵdarshamy desek jarasar.
Jańa jylda sondaı ataýly kún azattyǵymyzdyń 25 jyldyǵy, mereıtoı boıynsha jyr alyby «Jambyl atym óshken joq!.. Men baıaǵy Jambylmyn» dep jyr tókken Jambyl Jabaevtyń 170 jyldyǵy, ult azattyǵynyń jarshysy bolǵan «Alyspaǵan, julyspaǵan, bostandyq atyna minbeıdi, buǵaýdan bosamaıdy, eri quldyqtan, áıeli kúńdikten shyqpaıdy, malyna da, basyna da ıe bola almaıdy», dep ultty oıatqan, biraq kelmeske ketken Keńes dáýiri qanshama jerden sanamyzdan óshirýge tyrysqanmen uly ıdeıasy táýelsizdik qarsańynda qaıta túlep, ol ózimizdi ǵana emes, álemdik deńgeıdegi zııalylarǵa oı salyp, 150 jyldyq mereıtoıy IýNESKO kóleminde atap ótiletin Álıhan Bókeıhanovtyń, ómirge kelgenderine bir ǵasyr bolǵan surapyl soǵysta «Oılashy, Shyǵys uly, biz el sengen ermiz, qalaısha týǵan jerdi qoldan beremiz» dep naızaǵaıdaı jarqyldaǵan Baýbek Bulqyshev, taǵdyr talqysyna kóp túsken Qaıym Muhamedhanuly, ultymyzdyń arqaly aqyny, «ózegim toly aq jalyn» degen jyr jampozy Hamıt Erǵalıev, qazaq óneriniń qabyrǵaly qaıratkerleri Káýken Kenjetaev, ortamyzdaǵy kóneniń kózi Habıba Elebekova, qazaq ónerinde ózindik orny bar aǵaıyndy Músilim men Rıshad Abdýllınder, derekti kınonyń kóshbasshysy Oraz Ábishev ǵasyr belesine kóterilip otyr. Al qazaq óneriniń teorııasyn jazǵan, ataqty kompozıtor, akademık Ahmet Jubanov, qazaq ǵylymynda jasyndaı janyp ótken Kárim Myńbaev, qazaq qyzdarynyń tizgin ustar aqyn anasy Márııam Hakimjanova, qarapaıym eńbekpen baqytyn tapqan, eki ret Sosıalıstik
Eńbek Eri atanǵan Nurmolda Aldabergenov, kórnekti dramatýrg Shahmet Husaıynov, Farabıdi atajurtyna alyp kelgen, bilimdar oqymysty Aqjan Mashanov 110 jastyń bıigine shyqsa, halyq batyry Isataı Taımanov – 180, sózimniń arasynan qyl ótpeıdi deıtin Qulanaıan Qulmambet – 190, qazaq teatrynyń qara nary Serke Qojamqulov, balalar jazýshysy Maksım Zverev, tórt túliktiń birligi, qoı ósirýdiń asqan sheberi Jazylbek Qýanyshbaev 120 jasqa kelipti. Tórtkúl dúnıege tanylǵan opera ánshisi Ermek Serkebaevtyń týǵanyna 90 jyl tolatyn bolsa, kórnekti matematık, akademık О́mirzaq Sultanǵazın, KSRO zamanynda myqtylarmen ıyqtasyp júrgen, ultynyń tili men tarıhyn sol kezde-aq tereńnen zerdelep, «Azııa» kitabyn jaryqqa shyǵaryp, biraz ǵalymdardy dúr silkindirgen Oljas Súleımenov, ataqty akademık Kamal Ormantaev, lırıkalyq ánniń sheberi, qarymdy qalamger Ilııa Jaqanov, qazaq tiliniń táýelsizdikten keıingi kezeńdegi mártebesin kóterýge, tazalyǵyn saqtaýǵa, tili múkisterge qyrǵıdaı tıip kele jatqan О́mirzaq Aıtbaıuly, bolmysyna qaraı shyǵarmasy da jan dúnıeńdi terbep turatyn syrshyl Saıyn Muratbekov, sózdiń máni men árin jete biletin, zaman jyrshysy Qabdesh Jumadilov 80-niń seńgirine kóterilip otyr.
«...Tiri bolsam, qazaqqa qyzmet qylmaı qoımaımyn» (Á.Bókeıhanov) degen táýelsiz Qazaq eliniń abyroıy men aıbynyna aınalǵan budan ózge de jaqsylarymyz jetip-artylady. Onyń bárin shaǵyn sholý maqalaǵa tize berýdi maqsat etpedik. Ýaqytyna qaraı ondaı qaıratkerler men talanttar týraly el gazetiniń betinen oqyrmandarymyz alýan túrli maqalalar men tolǵamdardy oqıtyny anyq.
Daıyndaǵan Súleımen MÁMET,
«Egemen Qazaqstan».
