Keler jyl kórkemdigimen kelsin

«Eski aıym esirke, jańa aıym jarylqa!» – deıdi qazaq. Eski jyldan eńsemiz túsken joq, jańa jyldan jarylqaý kútemiz. Qońyr minez halyqtyń nıet-peıiline oraı, qoı jyly molshylyq, yrys jyly boldy. Eń bas­tysy, qazaq degen qarapaıym halyqtyń baýyry bútin, basy aman. Armany alǵa jetelegen, senimi táýekelshil etken elimizdiń aýzyndaǵy shúkir men táýbe, ıman men ynsap, bereke men birlik ultymyzdyń qaınar kózi. Árbir jyldyń ózimen birge kelgen aıtýly oqıǵasy, este qalar esteligi bolady. Bıylǵy jyldyń da janyńa shýaq, kóńilińe qýat syılaıtyn jarqyn kúnderi kóp boldy. «Qoı ústine boztorǵaı jumyrtqalaǵan» deıtindeı mamyrajaı kezeń damýymyzǵa, alǵa ozýymyzǵa úlken múmkindikter syılady. Elimizde ekonomıkalyq, áleýmettik, saıası, mádenı jaǵynan da órleý oryn aldy. О́zim basshylyq etip otyrǵan «Qazfosfat» jaýapkershiligi shekteýli seriktestigi bıylǵy jyldy tolaıym tabystarmen qorytyndylap otyr. Bir ǵana ótken jylmen bıylǵy 10 aıdy qosqanda 11 754 mıllıon teńgeni salyq pen bıýdjettik emes aýdarymdarǵa tóledik. Onyń ishinde Jambyl oblysynyń bıýdjetine 5 789 mıllıon teńge quıdyq. Bizdiń kompanııa elimizdiń úsh aımaǵynda, ıaǵnı Jambyl, Ońtústik Qazaqstan jáne Aqmola oblystarynda jumysyn jalǵastyrýda. Sonymen qatar, Almaty, Taraz, Jańatas, Qarataý, Shymkent, Stepnogor qalalary men oǵan jaqyn ornalasqan eldi mekenderdiń turǵyndaryn turaqty jumyspen qamtyp otyrmyz. Tórt qubylasyn túgendep, alty qurlyqtyń aldynda abyroı bıigine kóterilgen elimizdiń erteńgi kúni jarqyn. Árbir ótken jyl ult tarıhyna óziniń órnegin qaldyrdy. Qoı jylynda qoınymyz qazynaǵa tolyp, halqymyzdyń sany artty. Múmkindigimiz joǵarylap, keńistigimiz keń etek aldy. Kemel el, kórkem ult sanatynda ári qaraıǵy tirshiligimizdi tiktedik. О́risimiz malǵa, shańyraǵymyz janǵa tolǵan qasıetti jyldyń esteligi kóp. Keler jyl da kórkemdigimen, kemeldigimen kelsin. О́tken jyldyń órnegi bólek. Eski jyl esirke, Jańa jyl jarylqa! Muqash ESKENDIROV, Qazaqstannyń Eńbek Eri, «Qazfosfat» JShS-niń bas dırektory. Jambyl oblysy.