AQSh-ta álemdegi eń iri McDonald's meıramhanasy jabyldy

ASTANA. 2 qańtar. AQSh-tyń Florıda shtatynda ornalasqan Orlando qalasyna taıaý mańda álemdegi eń iri McDonald's jyldam tamaq daıyndaý orny jabyldy. Bul týraly TASS aqparat agenttigine silteme jasaǵan egemen.kz tilshisi habarlady. Atalǵan meıramhana tanymal «Dısneılend» oıyn-saýyq ortalyǵynyń qasynda 1976 jyly ashylǵan. Úlkendigi boıynsha jurtshylyqtyń arasynda jaqsy pikir qalyptastyrǵan bolatyn. Kartofeldi frıdiń alyp qoraby beınesinde salynǵan mekeme ishinde tutynýshylar úshin jaǵdaıdyń bári jasalǵan. Fest-fýd ónimderinen bólek boýlıng oryndary, muz aıdyny men oıyn avtomattary da bar. McDonald's qyzmetkerleri bul mekemeniń aldaǵy ýaqytta qazirgisinen áldeqaıda keń kólemdi etip salynatynyn málimdep, jergilikti halyqty qýandyrdy. Onyń jalpy aýdany 1750 sharshy metrdi quraıtyny belgili boldy. Mamandardyń aıtýynsha, jańa oryn osy jyldyń aqpan aıynda ashylady. Aıta keteıik, McDonald's kompanııasyn alǵash ret 1940 jyly AQSh-tyń Kalıfornııa shtatynda San-Bernardıno qalasynda aǵaıyndy Dık jáne Mak Makdonaldtar ashqan. 1948 jyly álemde eń birinshi bolyp «jyldam tamaqtaný» konsepsııasynyń prınsıpterin usynǵan. Aıan Ábdýálı. Derek, sýret: TASS.