Qytaıda ekologııaǵa baılanysty otshashýǵa tyıym salyndy

ASTANA. 3 qańtar. Qytaıda ekologııanyń buzylýyna baılanysty birneshe qalada halyqtyń «qasıetti» dep esepteıtin – otshashý men petardalardyń jaǵýyna tyıym saldy. Bul týraly Sınhýa aqparat agenttigine silteme jasaǵan egemen.kz tilshisi habarlady. Jyldyń birinshi kúninen bastap mundaı qadamǵa alǵash bolyp Shanhaı men Henan provınsııasynyń astanasy Chjenchjoý qalalary bardy. Shanhaıda avtomagıstraldy sheńberden tys mańaıda otshashý atýǵa shekteý qoıyldy. Qoıylǵan talapty oryndamaǵan jaǵdaıda ákimshilik jazaǵa tartylady. Qala basshylyǵy aıyppul retinde 100 ıýan (15,4$ ) qytaı aqshasyn belgiledi. Al Chjenchjoýda mereke kezinde otshashqan árbir adam 500 ıýan (77$) aqshasymen jazalanady. Qala ishinde pırotehnıkany tipti óndirýge, saqtaýǵa, satýǵa da tyıym saldy. Aıta keteıik, osyndaı jarylǵysh zattar qytaı halqynda tek kóńil kóterý úshin emes, jyn-shaıtandardardy qorqytady degen túsinik bar. Birneshe ǵasyr boıy eshqandaı mereke de, aıtýly oqıǵalar da (jańa kompanııalardyń ashylýy, jańa qonysqa kóshkende) pırotehnıkalar rásiminsiz ótpegen.Alaıda, búgingi kúni Qytaıda ekologııanyń buzylýy el turǵyndary úshin jyn-shaıtandardan da qaýiptirek bolyp tur. Aspanasty eliniń bas qalasy Pekın men soltústik óńirindegi birneshe eldi-mekenderde qarasha aıynyń ortasynan bastap aýanyń lastanýy densaýlyqqa qaýipti sanalatyn mólsherden birneshe ese artyp keledi. О́tken aıda qaýiptiliktiń joǵarǵy dárejesi sanalatyn – qyzyl deńgeıge eki márte jetti. Osynyń saldarynan birneshe jol-kólik oqıǵalary bolyp, turǵyndar arnaıy betperde kııýlerine týra keldi. Qala mańyndaǵy birneshe kásiporyndar ýaqytsha óz jumystaryn toqtatty. Aıan Ábdýálı. Derek: Sınhýa. Sýret: mirvkartinkah.ru.