Elimizde stýdentterdiń shákirtaqysy 25 paıyzǵa ósti

ASTANA. 5 qańtar. Osy jyldyń 1 qańtarynan bastap bıýdjettik qyzmetterlerdiń eńbekaqysy kóbeıdi. Alatyn aılyǵyna sáıkes eńbekaqyǵa jıyrmadan qyryq paıyz aralyǵynda aqsha qosylady. Zeınetkerlerdiń de qajetine jaratatyn qarjysy jetkilikti bolady. Shákirtaqy joǵarylaıdy. Osy qýanyshty jańalyq Elbasynyń Joldaýyndaǵy áleýmettik saıasatty qaıta qurý bóliminde aıtyldy. Bul týraly almaty.tv habarlady. Qymbatshylyq qysty dep qapalanǵan halyqqa Elbasynyń Joldaýy taǵy demeý boldy. Inflıasııa ıip ákete beretin qymbatshylyqtan qoryqpaı, keregine qajet qarjy qosylatyn boldy elge. Joldaýdyń «Jańa áleýmettik saıasaty» atty bóliminde jahandyq daǵdarystyń teris yqpalyna qaramastan turǵyndarǵa tólemderdiń tólenýi toqtamaıtynyn jetkizdi. Áleýmettik sala men memlekettik basqarýda jalaqy alatyndardyń sany elimizde 1,2 mıllıon adam bolsa, járdemaqyǵa táýeldi turǵyndardyń sany 1,5 mıllıon adam. Bıyldan bastap dárigerler jalaqysyn ádettegiden 28, muǵalimder 29 paıyzǵa kóp alady. Al áleýmettik qorǵaýdaǵy qyzmetkerlerdiń aı saıynǵy alatyn aqshasy 40 paıyzǵa deıin joǵarylaıdy. Osy rette Memleket basshysy: «Áleýmettik ádilettilik burmalanbaýy tıis degen Prezıdent zeınetaqy alatyndardyń aqshasy ınflıasııa kórsetkishinen 2 paıyzǵa joǵary berilip otyrady», – dedi. Sondaı-aq, Elbasy 2017 jyldan bastap elimizde tegin tehnıkalyq-kásibı bilim berý baǵdarlamasy iske qosylady. Bilim alǵan jastar shaǵyn kásipkerliktiń syrtynda túrli memlekettik baǵdarlamalarmen salynyp jatqan jumystarǵa tartylady degendi aıtty. Bul qýanyshty jańalyqqa qazaqstandyqtar dán rıza. О́z kezeginde Almaty qalalyq «Jas Otan» jastar qanaty ortalyq keńesiniń múshesi Marjan Aqtaeva: «Elbasymyzdyń kezekti Joldaýy Almaty qalasy jastary erekshe yqylaspen qabyldap tyńdady. Osy Joldaýda aıtylǵan ekonomıka baǵyty ınnovasııalyq joba biz jastardyń erekshe qyzyǵýshylymyzdy aýdaryp, jańa oqý jylyna jańasha jiger berdi»,- dedi. Jalpy, Elbasy Joldaýy jastardyń mańdaıaldy maman, abyroıly adam bolýyna baǵyt pen umtylys beredi. Sapaly bilim men stýdenttik turmystyń túbegeıli jaqsarýyna jol ashylmaq taǵy da. 1 qańtardan bastap stýdentter shákirtaqysy 25 paıyzǵa ósedi. Biraq Elbasynyń qosylyp jatqan aqshalardyń bıýdjetke ǵana emes, kez kelgen el azamatyna qosymsha salmaq pen jaýapkershilik júkteıdi degen eskertpesin esten shyǵarmaǵan jón. Talǵat Raıymbek. Derek, sýret: almaty.tv.