Almaty turǵyndaryna azyq-túlik túrleri tegin taratyldy

ALMATY. 5 qańtar. Almaly jáne Alataý aýdandary boıynsha jańa jyl qarsańynda materıaldyq turǵydan az qamtylǵan jergilikti otbasylarǵa azyq-túlik túrleri tegin tartyldy. Bul týraly egemen.kz habarlady. Tek qana «Tastaq» saýda ortalyǵynda áleýmettik osy toptaǵy azamattar men zeınetkerlerge 1 mıllıon teńge turatyn 300 paket azyq-túlik taýarlary tegin  berildi. Al Alataý aýdanynda «Nur Otan» partııasymen birlesip az qamtylǵan turǵyndarǵa azyq-túlikpen qosa jyly kıimder úlestirildi. Aýdandyq «Nur Otan» partııasy jetekshisiniń birinshi orynbasary Saǵymbek Kárbozov: «Bizdiń aýdanymyzda turmysy tómen 60 otbasy, 80 jetim bala, 125 jalǵyz basty qart kisiler turady. Mereke qarsańynda bulardyń barlyǵyna  birdeı qoldaý kórsetildi», – dedi. Almatyda qaıyrymdyq kómegin kórsetetetin ondaǵan saýda núkteleri jumys isteıdi. Qala turǵyndarynyń sol dúkenderge óz taraptarynan járdem retinde otbasynan artylǵan, paıdalanýǵa jaramdy zattardy ákelip ótkizetin dástúri bar. Ol zattar áleýmettik jaǵynan az qamtylǵan qala turǵyndaryna tegin taratylady. Talǵat Súıinbaı. Derek, sýret: egemen.kz.