Belgili akter Meńtaı О́tepbergenov qaıtys boldy

ASTANA. 5 qańtar. Búgin Almatyda 70 jasqa qaraǵan shaǵynda belgili akter, Qazaqstannyń eńbek sińirgen mádenıet qaıratkeri jáne Qazaqstannyń eńbek sińirgen ártisi Meńtaı О́tepbergenov qaıtys boldy. Bul týraly «Qazaqfılm» kınostýdııasynyń baspasóz qyzmetine silteme jasaǵan egemen.kz tilshisi habarlady. Meńtaı О́tepbergenov 1946 jyly 7 tamyzda Shyǵys Qazaqstan oblysynyń Besqaraǵaı aýdanyna qarasty Begen aýylynda týǵan. Máskeý sırk ýchılıshesin, sondaı-aq, 1974 jyly Sergeı Gerasımov atyndaǵy Búkilreseılik memlekettik kınematografııa ınstıtýtynyń (VGIK) akterlik fakýltetin bitirgen. Meńtaı Smaǵululy KSRO elderiniń 13 kınostýdııasynda 60 kartınaǵa túsken. Kınotýyndylarda 17 ulttyń ókili retinde oınady. Odan bólek, anımasııalyq fılmderge dýblıaj jasady. Ol «Belyı shaman», «Taıny madam Vong», «Chastnyı detektıv, ılı operasııa «Kooperasııa», «Interdevochka», «Na Derıbasovskoı horoshaıa pogoda, ılı na Braıton Bıch opıat ıdýt dojdı», «Reketır» syndy fılmderde ártúrli obrazdardy somdady. Sonymen qatar, Meńtaı Smaǵululynyń esimi Qazaqstanda pantomımo ónerin qalyptastyrýshy retinde tarıhqa jazylǵanyn atap ótken jón. Akterdi jerleý rásimi 7 qańtar kúni ótedi. Elaman Qońyr. Derek: «Qazaqfılm» kınostýdııasynyń baspasóz qyzmeti. Sýret: kruto.me.