Qamqorlyqty halyq sezinip otyr

Qarjylyq daǵdarys Qazaq­standy ǵana emes, búkil álemdi qursaýyna alyp, tamaǵynan býyp tur. Keńshilik kezeńdegideı emes, qazir búkil Jer sharyn mekendegen memleketter bıýdjetterin qaıta qarap, kiris kózderin izdep, artyq shyǵynnyń bárin qysqartyp, «kórpeńe qaraı kósil» qaǵıdatyna kóshti. Olaı etpese bolmaıdy. Ysyrapshyldyq, qarjyny oń-solǵa qaramaı jumsaý degenińiz túbi tyǵyryqqa ákep tireıdi. Qolda bar qarjyny únemdep jumsaýdan bólek, jumys oryndaryn qysqartyp, aılyqtaryna da ózgeris engizip jatqan elder kóp. Bul – adamdar jumyssyz qalyp, jumysy barlardyń ózi mardymdy jalaqy ala almaı otyr degen sóz. Kúndelikti tirshiligi bir ǵana jalaqyǵa baılanyp otyrǵan talaı adam osylaısha daǵdarystyń qyspaǵyn sezinip jatyr. Buǵan deıingi daǵdarystyń ózinen damýǵa jol tapqan Qazaqstan bul joly da ózindik soqpaǵyn taba bildi. Tórimizge ozǵan jańa jyldyń 1 qań­tarynan bastap bıýdjet qyzmet­kerleri, zeınetkerler jáne stý­dentterdiń aılyǵy, zeınetaqysy men shákirtaqylary kóbeıip jatyr. Bile-bilgen adamǵa bul úlken qamqorlyq. Memleket basshysynyń tikeleı tapsyrmasymen iske asyp jatqan atalǵan bastama halyqtyń tarshylyq kórmeýine kóp kómek ekeni aıtpasa da túsinikti jaǵdaı. Álemdik naryqta munaı baǵasy arzandap, elimizde dollar erkin aınalymǵa jiberilgen dál osy kezeńde jalaqymyzǵa 30 paıyz ústeme qosylǵany shyn qýantty. Elbasynyń kóregen kóshbas­shylyǵynyń arqasynda bul daǵdarystan da aman shyǵarymyz anyq. Sebebi, Memleket basshysy osydan alty jyl bu­ryn qur shıkizatqa ıek artyp otyratyn za­man­nyń ótkenin aıtyp, elimizde ındýs­trııa­lyq-ınno­vasııa­lyq­ jo- balardy da­my­tý­­ǵa tap­­syrma berdi. So­­nyń ar­qasynda Qazaqstanda kópte­gen zaýyttar men fabrıkalar, ón­diris oryndary ashyldy. Indýs­trııalyq-ınnovasııalyq baǵdar­lamanyń shapaǵatyn Qyzylorda oblysynyń Jalaǵash aýdany da kórip otyr. Atalǵan baǵdar­lamanyń sheńberinde bizdiń aýdanda mııa tamyryn óńdeıtin zaýyt salyndy. Aýdan ekonomıkasyna ózindik septigin tıgizip otyrǵan zaýyttyń orny bólek. Daǵdarys zamanynda halqynyń aılyǵyna ústemaqy qosyp, jańa jumys oryndaryn ashyp otyrǵan elimizdiń damý baǵytyna qarap qandaı qıynshylyqty da eńsere alatynymyzǵa senemiz. Jaǵypar TÁJMAHANOV, Jalaǵash aýdany ákiminiń orynbasary. Qyzylorda oblysy.