Tikushaqtarmen tolyqty

Shymkent qalasynyń avıasııalyq bazasynda Mı-171Sh kóliktik-jaýyngerlik tikushaqtardy qarsy alý saltanatty rásimi ótti. Tikushaqtar «Reseı tikushaqtary» holdıngine kiretin qazaqstandyq tarap pen Ýlan-Ýde avıasııalyq zaýyty arasynda budan buryn jasalǵan kelisimshartqa sáıkes ushyp keldi. Avıabazanyń ushý jáne ınjenerlik-tehnıkalyq qu­­ramy óndirýshi zaýytta teo­rııalyq jáne ushý daǵdy­synan ótti. Mı-171Sh tikushaǵy Mı-8 úlgisindegi tikushaqtardyń sońǵy modıfıkasııasynyń biri bolyp tabylady. Jo­ǵ­a­ry ushý-tehnıkalyq sıpat­­­tamalary, senimdilik, Selsııa boıynsha – 50-den +50 gradýsqa deıingi aýa raıy jaǵdaıy men tem­­peratýranyń keń dıa­­pa­zonynda qol­da­ný múm­kindigi, kóp fýnksıo­nal­­dylyǵy, paıdalaný men qyzmet kórsetýdegi qara­paıym­dylyǵy sekildi bul tik­ushaqtardyń qasıet­teri búkil álem­degi opera­torlardyń seniminen shyǵa bildi. Desanttyq-kóliktik tap­syrmalardy oryndaý­dan basqa, bul tikushaq qur­lyqtaǵy bólimshelerdi qold­aý, qarsylastyń jandy kúshin, brondy tehnıkany, bekitilgen oq atý núkteleri men ózge de qozǵalmaly jáne qozǵalmaıtyn nysanalardy joıý, desantty atyspen qoldaý, áskerı lekterdi alyp júrý, patrýldeý, izdeý-qut­qarý jáne barlaý opera­sııa­laryn júrgizý úshin arnalǵan. Avıasııalyq parkti jańa tikushaqtarmen tolyqtyrý jalpy alǵanda, Áskerı-áýe kúshteri men Qazaqstan Respýblıkasy Qarýly Kúsh­teriniń jaýyngerlik qabilet­tiligin arttyrýǵa múmkindik beredi. Saltanatty is-sharaǵa QR QK Áýe qorǵanysy kúshteriniń bas qolbasshysy avıasııa general-maıory Nurlan Or­manbetov pen Áskerı-áýe kúshteriniń qolbas­shysy avıa­sııa general-maıory Dáýren Qosanov, QR Qarýly Kúsh­teri­niń ardagerleri, jergilikti bılik organdarynyń, sondaı-aq óndirýshi zaýyttyń ókilderi qatysty. «Egemen-aqparat».