Qaharman quttyqtady

О́tken jyldyń qyr­kúıek aıynda Qaraǵandydaǵy jalpy bilim beretin №77 mek­tep-balabaqsha ke­she­ninde qazaqtyń tuńǵysh ǵarysh­keri Toqtar Áýbákirov atyn­daǵy «Ulttyq ulandar synyby» ashylǵan bolatyn. Búgingi kúnde 5-synypta oqıtyn 24 ulan áske­rı-patrıottyq tárbıe alyp, batyr­dyń ónegeli izimen júrip, jan-jaqty bolyp ósip keledi. Mysaly, olar sabaqty ǵana jaqsy oqyp qoımaı, sportta da alǵa tú­sip, shyǵys jekpe-jek túr­lerin jetik meńgergen. Taıaýda osy oqý ornyna Halyq qaharmany, Keńes Odaǵynyń Ba­tyry Toqtar Áýbákirov arnaıy keldi. Bul kúni mektepte ulan­dardyń ant qabyldaý sharasy uıym­­dastyrylǵan bolatyn. Batyr Ulttyq ulan­dar syny­bynyń tárbıe­le­nýshilerin ómir­degi ma­ńyzdy qadamdarymen qut­tyqtap, olarǵa óziniń aqyl-keńesin aıtty. – Árqashan ustazda­ryń­nyń eńbegin baǵalańdar! Mysaly, men árdaıym óz ustazdarymdy maqtan tu­tamyn. Tipti, Germanııaǵa kóship ket­ken ustazymmen kúni búginge deıin ha­bar­lasyp turamyn, – dedi tuń­ǵysh ǵaryshker. Budan keıin ol ulandardyń osy sal­tanatty sátke arnaıy kelgen ata-analaryna arnap sóz sóıledi. – Qazaq eliniń osyndaı ul­dary barda bizdiń Máńgilik El bola­­rymyzǵa kúmán joq. Ulandar jas­taıy­nan patrıottyq rýhta tárbıelenedi. Otan qor­ǵaý­dyń, elin, jerin súıýdiń mán-maǵynasyn boılaryna si­ńiredi. Sondyqtan, er balalardy erlik mektebine jol­daǵan sizderge úlken rahmet! – dedi Toqtar Ońǵar­baıuly. Ant qabyldaý rásiminde ulan­dar №5451 áskerı bó­limine qaras­ty «Búrkit» ar­naıy maqsattaǵy jasa­ǵynyń kómegimen óz óner­lerin kórsetti. Mektep dırektory, «Ult­­­tyq ulan­dar synybyn» ashýǵa bastama­shy bol­­ǵan Zaıra Jantybaeva sal­­­tanatty rásim sońynda Toqtar Áý­b­á­­­kirovke ustaz­dar, ata-analar já­ne shákirt­ter atynan alǵys aıtty. Qaırat ÁBILDINOV, «Egemen Qazaqstan». QARAǴANDY.