Baqytty eldiń jastarymyz

Qazaqstan Respýblı­kasynyń Prezıdenti, Ult Kóshbasshysy Nursultan Nazarbaevtyń «Ult Jospary – qazaqstandyq armanǵa bastaıtyn jol» maqa­lasyn oqı otyryp, men ózimniń baqytty elde turyp jat­qanymdy barynsha túsinip, aı­ryq­sha tolqynys jeteginde boldym. Qazaqstan jastarynyń ókili retinde, táýelsiz memleketpen qatar ósip, jańa qoǵamnyń jetistikterine kýá bolǵan qyz retinde ózimniń moınymdaǵy jaýapkershilik salmaǵyn jete sezinemin jáne ózimniń qalamnyń, oblysymnyń, tutas elimniń gúl­denýine úles qosýdy armandaımyn. Osynaý abyroıly paryzdy oryndaýǵa kúsh salamyn ári zamandastarymdy ortaq iste bir sapta bolýǵa shaqyramyn. Bizdiń súıikti Otanymyz samǵaý qadamdarymen jaHandyq qurmet nazarynda turǵanyn maqtan etemin. Álemdi sil­kiniske salǵan ekonomıkalyq daǵdarysqa, tabıǵı apattarǵa, ekstremıstik qımyldarǵa, urys-janjaldarǵa qaramastan elimiz únemi alǵa basýda. Bizde mektepter, bala baqshalary, zamanalyq kásiporyndar kóptep ashylýda. Eńbekaqy, stýdentterdiń shákirtaqysy ústemelendi. Biz, jastar bilim alý, sportpen aınalysý, basqa da sharalarǵa qatysýdyń sheksiz múmkindigine ıemiz. Sondaı-aq, respýblıkamyzda jastar múddesin kózdeıtin «Dıplommen – aýylǵa!», «Jumyspen qamtýdyń jol kartasy», «Bıznestiń jol kartasy» sııaqty kóptegen memlekettik baǵdarlamalar jumys isteıdi. Biz osy úshin Qazaqstanymyz ben Prezıdentimizdi maqtan etemiz. О́ıtkeni, Elbasy orasan zor Otanymyzdyń beıbit ómirin qamtamasyz etip, kóp ultty shańyraǵymyzdyń shyraıyn asha túsýde ólsheýsiz eńbek etip, kóregendik saıasatynan eshqashan taıǵan emes. Men Elbasymyzdy tolyq qoldaımyn jáne zamandastarymdy Ult Josparyn, onda kórsetilgen mańyzdy reformalardy birlese júzege asyrýǵa, sondaı-aq, aldymyzdan ashylǵaly turǵan múmkindikterdi tıimdi paıdalanýǵa úndeımin. О́tken, 2015 jyly biz eleýli merekelerdi bıik deńgeıde atap óttik. Al, 2016 jyl – «Qazaqstan Táýelsizdiginiń 25 jyldyǵy» uranymen ulaǵatty isterge jol bastap otyr. Qazaqstan jastary bul oraıda da jarqyn bastamalarymen el maqtanyshyna aınalatynyna senemin. Elbasynyń maqalasynda Qazaqstan damýynyń negizgi baǵyttary aıqyndala kórsetildi jáne olardyń barlyǵy hal­qymyzǵa qyzmet jasaıtyn bolady. Sondyqtan, osynaý jalpyhalyqtyq ortaq mindetti oryndaýǵa ekpindi ún qosý jastardyń asyl boryshy dep sanaımyn. Bizdiń árqaısymyz maqsat jolyndaǵy 100 naqty qadamdy bastaý arqyly elimizdiń qýattanýyna qaraı 100 qadam jasaıtynymyz aıqyn! Gúlim BEGALINA, Kókshetaý qalalyq jastar resýrsy ortalyǵynyń dırektory. Aqmola oblysy.