ASTANA. 8 qańtar. Avstrııanyń astanasy – Vena qalasynda ótken Sırııany qoldaý halyqaralyq toby sheńberinde Bashar Asadtyń prezıdent oryntaǵynan ketýi týrasynda máselege kelisim bolǵan joq jáne onyń bolýy da múmkin emes edi. Muny Reseı prezıdentiniń Taıaý Shyǵys pen Afrıka elderi jónindegi arnaıy ókili, syrtqy ister mınıstriniń orynbasary Mıhaıl Bogdanov jetkizdi. Bul týraly «Interfaks» aqparyna silteme jasaǵan egemen.kz habarlady.
Dıplomattyń aıtýynsha, Qurama Shtattar, bálkim, «áldeqandaı bir jospardy qurǵan shyǵar», biraq Máskeý óziniń budan buryn málim etken «Sırııanyń keleshegin, onyń basshylyǵyn Sırııa halqynyń ózi sheshedi» degen prınsıpti pozısııasynan aınymaq emes. «Bul Vena kelisiminde jazylǵan», - dep atap kórsetti mınıstrdiń orynbasary.
Arab Respýblıkasynda bılik aýysymyn kezeń-kezeńimen jasaý jóninde jospar bar ekenin 6 qańtar kúni Associated Press agenttigi habarlaǵan edi. Arada birneshe saǵat ótkennen keıin sondaı jospardyń bar ekenin AQSh memlekettik departamentiniń aranıy ókili Djon Kırbı rastady.
Qujatqa sáıkes, 2017 jyldyń naýryz aıynda prezıdent Asadtyń otstavkaǵa ketetini kózdelgen kórinedi. Taldamady jazbaǵa sáıkes, sol jylǵy aqpanda Sırııadaǵy saıası bıliktiń aýysýy bastalady da 18 aıǵa deıin sozylady. AQSh-tyń boljamynsha, Asad ókilderi men oppozısııa arasyndaǵy kelissózdiń nátıjesinde sáýirde qaýipsizdik komıteti qurylady. Mamyrda parlament taratylady. Budan ári ýaqytsha zań shyǵarýshy organ qurylady, sondaı-aq eldi qalpyna keltirýdi qarjylandyrýǵa qatysatyn halyqaralyq donorlar konferensııasyn ótkizý josparlanǵan. Al 2016 jylǵy qarashaǵa deıin jańa konstıtýsııanyń jobasy daıyndalady. Sırııa halqy oǵan 2017 jylǵy qańtarda ótetin referendýmda óz oıyn bildire alady. Tek osydan keıin ǵana Asad óziniń eń jaqyn nókerlerimen birge bılikten ketedi.
Amerıkanyń oıynsha, jańa úkimet tamyzda ótetin parlament jáne prezıdent saılaýynda barlyq ýákilettikterdi óz qolyna alady.
Associated Press Sırııa memleketi basshylyǵyn syrtqy kúshterdiń áserimen aýystyrýǵa qarsylyq tanytyp, sheshimdi el halqynyń ózi sheshýi tıis dep sanap otyrǵan Reseı men Irannyń bul jompardy qoldamaıtyndaryn atap ótti. Sonymen qatar, Asadtyń tezirek bıoik basynan ketýin qalap otyrǵan Arab Respýblıkasynyń oppozısııasy, sondaı-aq AQSh-tyń Saýd Arabııasy, Katar jáne Túrkııa sekildi odaqtastarynyń amerıkalyqtar jasaǵan bul kesteni satqyndyq dep baǵalaýy da múmkin.
Talǵat Raıymbek.
Derek, foto: Interfaks.
