Ulylardy ulyqtaý – urpaq paryzy

Bıyl alash kósemi Álıhan Bókeıhanovtyń 150 jyldyq mereıtoıy IýNESKO kóleminde atap ótiledi. Osyǵan oraı Semeı qalasy ákiminiń orynbasary Nadejda Sharovanyń basqarýymen arnaıy jıyn ótti. Onda Á.Bókeıhanovtyń mereıtoıyn halyqqa toı retinde ǵana emes, úlgi-nasıhat retinde kórsete bilý, alash qaıratkeriniń eńbegin halyqqa keńinen tanytyp, tanystyrý qajettigi týraly aıtyldy. Bul jóninde ǵalymdar men qoǵam qaıratkerleri de ózderiniń oı-pikirlerin ortaǵa saldy. Atap aıtqanda, Otantaı Káripjanov, Amantaı Doǵalaqov, Muhtarbek Kárimov, aqyn Tynyshtyqbek Ábdikákim, ánshi Qusmılııa Nurqasym men qalalyq mádenıet jáne tilderdi damytý bóliminiń basshysy Berik Kópbaev, Semeı qalalyq mádenıet saraıynyń dırektory Núrıden Imanbaev Táýelsizdiktiń 25 jyldyǵymen tuspa-tus kelip otyrǵan Álıhan Bókeıhanov mereıtoıynyń mańyzdylyǵyna toqtaldy. Ákimdikte ótken jıynda Semeı qalasyndaǵy ortalyq kóshelerdiń biriniń atyn Álıhan Bókeıhanovqa berý, mektep, kolledjderdiń biriniń atyn da Álıhan atymen ataý jáne oǵan arnap eskertkish ornatý máseleleri keńinen talqylandy. Jáne aldaǵy ýaqytta Á.Bókeıhanov atyndaǵy arnaıy qor qurylyp, oǵan qalalyq ákimdik qyzmetkerlerinen bas­tap, barlyq jumys isteıtin adamdar bir kúndik eńbekaqylaryn aýdaryp, jınalǵan qarajat Á.Bókeıhanovty ulyqtaýǵa jumsalatyny da aıtyldy. Alash kósemi týraly sonaý 1992 jyldan bastap bastama kóterip, «Alash­orda», «Demokratııa» ga­zet­te­rin shyǵarǵan Semeı aımaqtyq «Aq jol» partııasynyń tóraǵasy, qo­ǵam qaıratkeri ári aqyn Rahat Altaı edi. Jıynda N.Sharova R.Altaıǵa birlesip jumys isteýdi usyndy. Basqosý so­ńynda R.Altaı tanymal kompozıtor, ánshi Tursynǵazy Ra­­hımovqa partııa atynan «Qazaq han­dyǵyna-550 jyl» merekelik medalin tabystady. Ol óziniń sózinde Qazaq handyǵynyń 550 jyl­dyǵy Álıhan Bókeıhanovtyń IýNESKO kólemindegi toıyna ula­syp otyrǵandyǵyn kórýdiń ózi bir ǵa­­nıbet ekenin atap ótti. Raýshan NUǴMANBEKOVA. SEMEI.