Qazaqstan Respýblıkasy Úkimetiniń qaýlysy  №1090 

2015 jylǵy 28 jeltoqsan, Astana, Úkimet Úıi Jeke kásipkerlik máseleleri jónindegi saraptamalyq keńester týraly úlgilik erejeni bekitý týraly 2015 jylǵy 29 qazandaǵy Qazaqstan Respýblıkasy Kásipkerlik kodeksiniń 64-baby 7-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Jeke kásipkerlik máseleleri jónindegi saraptamalyq keńester týraly úlgilik ereje bekitilsin. 2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn. 3. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2015 jylǵy 28 jeltoqsandaǵy №1090 qaýlysymen bekitilgen Jeke kásipkerlik máseleleri jónindegi saraptamalyq keńester týraly úlgilik ereje Osy Jeke kásipkerlik máseleleri jónindegi saraptamalyq keńester týraly úlgilik ereje (budan ári – Ereje) 2015 jylǵy 29 qazandaǵy Qazaqstan Respýblıkasynyń Kásipkerlik kodeksine (budan ári – Kodeks) sáıkes ázirlendi jáne ortalyq memlekettik, ókildi jáne jergilikti atqarýshy organdar janynan qurylatyn saraptamalyq keńesterdi qalyptastyrýdyń jáne olardyń qyzmetiniń tártibin aıqyndaıdy. 1. Jalpy erejeler 1. Jeke kásipkerlik máseleleri jónindegi saraptamalyq keńes (budan ári – saraptamalyq keńes): 1) kásipkerliktiń múddelerin qozǵaıtyn normatıvtik quqyqtyq aktilerdiń jobalaryna, Qazaqstan Respýblıkasy halyqaralyq sharttarynyń, sondaı-aq Qazaqstan Respýblıkasy qatysýshysy bolýǵa nıettenetin halyqaralyq sharttardyń jobalaryna jeke kásipkerlik sýbektileriniń akkredıttelgen birlestikterinen jáne múddeli kommersııalyq emes uıymdardan saraptama qorytyndylaryn alý; 2) kásipkerlikti qoldaý jáne qorǵaý, onyń ishinde ákimshilik kedergilerdi joıý maqsatynda memlekettik organdardyń qyzmetin jetildirý týraly usynystar ázirleý; 3) kásipkerliktiń múddelerin qozǵaıtyn Qazaqstan Respýblıkasynyń zańnamasyn jetildirý boıynsha usynystar ázirleý jónindegi jumysty uıymdastyrý úshin ortalyq memlekettik, ókildi jáne jergilikti atqa­­­rýshy organdardyń (budan ári – memlekettik organdar) janynan qurylatyn konsýltasııalyq-keńesshi organ. 2. Saraptamalyq keńes óz qyzmetin Qazaqstan Respýblıkasynyń Konstıtýsııasyna, Kodekske, Qazaqstan Respýblıkasynyń ózge de normatıvtik quqyqtyq aktilerine, sondaı-aq osy Erejege sáıkes júzege asyrady. 3. Saraptamalyq keńes mynadaı fýnksııalardy júzege asyrady: 1) memlekettik organdar ázirlegen jáne usynǵan, kásipkerlik múddelerin qozǵaıtyn normatıvtik quqyqtyq aktilerdiń jobalaryn, Qazaqstan Respýblıkasy halyqaralyq sharttarynyń, sondaı-aq Qazaqstan Respýblıkasy qatysýshysy bolýǵa nıettenetin halyqaralyq sharttardyń jobalaryn (budan ári – joba) memlekettik qupııalardy qamtıtyn normatıvtik quqyqtyq aktilerdiń jobalaryn qospaǵanda, olar memlekettik organdardyń resmı ınternet-resýrstaryn qosa alǵanda, buqaralyq aqparat quraldarynda mindetti jarııalanǵannan (taratylǵannan) keıin qaraıdy; 2) kórsetilgen jobalarǵa saraptamalyq keńes músheleriniń saraptamalyq qorytyndylaryn jınaqtaýdy júzege asyrady; 3) jeke kásipkerlikti qoldaý jáne qorǵaý, onyń ishinde ákimshilik kedergilerdi joıý maqsatynda memlekettik organdardyń qyzmetin jetildirý týraly usynystardy ázirleıdi. 2. Saraptamalyq keńesterdi qalyptastyrý tártibi 4. Saraptamalyq keńestiń quramy Qazaqstan Respýblıkasynyń Ulttyq kásipkerler palatasynyń (budan ári – Ulttyq palata), zańnamada belgilengen tártippen akkredıttelgen jeke kásipkerlik sýbektileri birlestikteriniń, kommersııalyq emes uıymdardyń, sondaı-aq memlekettik organnyń ókilderinen qalyptastyrylady. Jeke kásipkerlik sýbektileriniń akkredıttelgen birlestikteri men kommersııalyq emes uıymdar memlekettik organdar janyndaǵy saraptamalyq keńesterdiń quramyna ujymdyq múshe retinde kiredi jáne ókilettigi senimhatpen rastalatyn óz ókili arqyly áreket etedi. 5. Saraptamalyq keńestiń qurylymy tóraǵadan, onyń orynbasarynan, hatshysynan jáne keńestiń múshelerinen turady. Saraptamalyq keńestiń quramy memlekettik organ basshysynyń sheshimimen bekitiledi. 3. Saraptamalyq keńester qyzmetiniń tártibi 6. Saraptamalyq keńestiń múshesi: 1) saraptamalyq keńestiń materıaldaryna qol jetkizýi; 2) saraptamalyq keńestiń otyrysyna engiziletin materıaldardy talqylaýǵa qatysýy; 3) mynalarǵa: qaralatyn jobalar boıynsha saraptamalyq keńestiń otyrysyn ótkizýge; tıisti memlekettik organnyń quzyretine kiretin máselelerdi kún tártibine engizýge bastama jasaýy; 4) jeke kásipkerlikti qoldaý jáne qorǵaý, onyń ishinde ákimshilik kedergilerdi joıý maqsatynda memlekettik organdardyń qyzmetin jetildirý týraly usynystardy ázirleý jóninde usynystar engizýi; 5) saraptamalyq keńestiń ishki otyrysyn ótkizýdi talap etýi múmkin. 7. Memlekettik organnyń sheshimi boıynsha saraptamalyq keńestiń tıisti qurylymdyq bólimshesi bolyp tabylatyn onyń jumys organy saraptamalyq keńestiń jumysyn uıymdastyrýshylyq-tehnıkalyq qamtamasyz etýdi júzege asyrady. 8. Saraptamalyq keńestiń jumys organy: saraptamalyq keńes otyrystarynyń arasyndaǵy kezeńde onyń jumysyn uıymdastyrady; jobalardy jeke kásipkerlik sýbektileriniń akkredıttelgen birlestikterine, Ulttyq palataǵa, kommersııalyq emes uıymdarǵa jiberedi jáne/nemese olardy memlekettik organnyń resmı ınternet-resýrsyna ornalastyrady; saraptamalyq keńestiń otyrysyna engiziletin jobalar boıynsha materıaldar daıyndaýdy júzege asyrady; saraptamalyq keńes otyrystarynyń qorytyndylary boıynsha hattama daıyndaýdy jáne oǵan qol qoıýdy qamtamasyz etedi. 9. Saraptamalyq keńestiń tóraǵasy saraptamalyq keńestiń jumysyna basshylyqty júzege asyrady, saraptamalyq keńestiń kezekti otyrysynyń kún tártibin bekitedi, qajet bolǵan jaǵdaıda onyń otyrysyn shaqyrady. Saraptamalyq keńestiń tóraǵasy bolmaǵan jaǵdaıda onyń fýnksııalaryn orynbasar oryndaıdy. 10. Saraptamalyq keńestiń sheshimderi osy Erejege qosymshaǵa sáıkes nysan boıynsha tóraǵa jáne hatshy qol qoıatyn hattama túrinde resimdeledi jáne usynymdyq sıpatta bolady. Hatshy saraptamalyq keńestiń múshesi bolyp tabylmaıdy jáne saraptamalyq keńes sheshimder qabyldaǵan kezde daýys berýge quqyǵy bolmaıdy. Bul hattama saraptamalyq keńes múshelerine jiberiledi jáne jobaǵa mindetti qosymsha bolyp tabylady. 11. Saraptamalyq keńestiń otyrystary toqsanyna keminde bir ret ótkiziledi. 12. Jobalardy qaraýdy saraptamalyq keńes osy Erejeniń 15-tarmaǵynda kózdelgen jaǵdaıdy qospa­ǵan­da, ony saraptamalyq keńestiń múshelerine jiberý arqyly otyrys ótkizbesten júzege asyrýy múmkin. 13. Eger jeke kásipkerlik sýbektileriniń múddelerin qozǵaıtyn másele tıisti memlekettik organnyń quzyretine jatatyn bolsa, osyndaı kez kelgen másele saraptamalyq keńestiń qaraýyna shyǵarylýy múmkin. 14. Saraptamalyq qorytyndy jeke kásipkerlik sýbektileriniń akkredıttelgen birlestikteri, Ulttyq palata músheleriniń jınaqtalǵan pikirin bildiredi, usynymdyq sıpatta bolady jáne joba qabyldanǵanǵa deıin onyń ishinde osy jobany múddeli memlekettik organdarmen kelesi árbir kelisý kezinde jobaǵa mindetti qosymsha bolyp tabylady. Saraptamalyq qorytyndy qazaq jáne orys tilderinde beriledi. 15. Jeke kásipkerlik sýbektileriniń akkredıttelgen birlestikteri, Ulttyq palata joba boıynsha eskertýleri bar saraptamalyq qorytyndy bergen jáne saraptamalyq keńes múshesi saraptamalyq keńes otyrysyn ótkizýdi talap etken jaǵdaılarda, mundaı otyrystyń ótkizilýi mindetti bolyp tabylady. Bul rette saraptamalyq keńestiń otyrystary saraptamalyq keńes múshelerin tikeleı shaqyrý ne naqty ýaqyt rejıminde ınternet-konferensııa ótkizý arqyly ótkizilý múmkin. 16. Memlekettik organ saraptamalyq qorytyndymen kelisken jaǵdaıda, jobaǵa tıisti ózgerister jáne (nemese) tolyqtyrýlar engizedi. Memlekettik organ saraptamalyq qorytyndymen kelispegen jaǵdaıda, jeke kásipkerlik sýbektileriniń akkredıttelgen birlestikterine, Ulttyq palataǵa kelispeý sebepteriniń negizdemesi bar jaýap jiberedi. Negizdemesi bar mundaı jaýaptar joba qabyldanǵanǵa deıin oǵan mindetti qosymsha bolyp tabylady. Jobaǵa Kodekstiń 65-baby 1-tarmaǵynyń ekinshi bóligine sáıkes memlekettik organ belgilegen merzimde saraptamalyq qorytyndy usynylmaǵan jaǵdaıda, joba eskertýsiz kelisildi dep esepteledi. Jeke kásipkerlik máseleleri jónindegi saraptamalyq keńester týraly úlgilik erejege qosymsha ___________________________________________________________ (memlekettik organnyń ataýy) janyndaǵy jeke kásipkerlik máseleleri jónindegi saraptamalyq keńestiń HATTAMASY № __________ _____ jylǵy «___» __________ Kún tártibi Qazaqstan Respýblıkasynyń jeke kásipkerlik sýbektileriniń akkredıttelgen birlestikteriniń, sondaı-aq Ulttyq kásipkerler palatasynyń ______________________________________________________________ (normatıvtik quqyqtyq akti jobasynyń ataýy nemese qaralyp otyrǵan másele) _______________________________________________________qaraýy týraly 1. Saraptamalyq qorytyndylardy eskertýler men usynystarsyz usynǵandar: _________________________________________________________ (uıymnyń ataýy) 2. Saraptamalyq qorytyndylardy eskertýlermen jáne usynystarmen usynǵandar: ________________________________________________________ (uıymnyń ataýy, usynylǵan eskertýler men usynystardyń ________________________________________________________________________________________ jalpy sany, olardyń ishinde qabyldanǵany/qabyldanbaǵany*) 3. Saraptamalyq qorytyndy usynbaǵandar:______________________________ (uıymnyń ataýy) 4.__________________________________(eskertýler men usynystardy qabyldamaý týraly aqparat**) Saraptamalyq keńestiń tóraǵasy Saraptamalyq keńestiń hatshysy Eskertpeler: *Mysaly: Eýrazııalyq ónerkásiptik qaýymdastyq – 10 (7/3) **Mundaı jaǵdaıda, Qazaqstan Respýblıkasynyń Ulttyq kásipkerler palatasyna, jeke kásipkerlik sýbektileriniń akkredıttelgen birlestigine jiberilgen saraptamalyq qorytyndymen kelispeý sebepteriniń negizdemesi bar hattyń kúni men nómiri kórsetiledi. Qazaqstan Respýblıkasy Úkimetiniń 2015 jylǵy 28 jeltoqsandaǵy №1090 qaýlysyna qosymsha Qazaqstan Respýblıkasy Ykimetiniń kúshi joıylǵan keıbir sheshimderiniń tizbesi 1. «Kásipkerlik máseleleri jónindegi saraptamalyq keńester týraly úlgi erejeni bekitý týraly» Qazaqstan Respýblıkasy Úkimetiniń 2006 jylǵy 2 maýsymdaǵy № 496 qaýlysy (Qazaqstan Respýblıkasynyń PÚAJ-y, 2006 j., № 21, 204-qujat). 2. «Qazaqstan Respýblıkasy Úkimetiniń 2006 jylǵy 31 mamyrdaǵy № 477 jáne 2006 jylǵy 2 maýsymdaǵy № 496 qaýlylaryna ózgerister men tolyqtyrýlar engizý týraly» Qazaqstan Respýblıkasy Úkimetiniń 2009 jylǵy 2 qazandaǵy № 1513 qaýlysynyń 1-tarmaǵynyń 2) tarmaqshasy (Qazaqstan Respýblıkasynyń PÚAJ-y, 2009 j., № 41, 396-qujat). 3. «Qazaqstan Respýblıkasy Úkimetiniń keıbir sheshimderine ózgerister engizý týraly» Qazaqstan Respýblıkasy Úkimetiniń 2009 jylǵy 30 jeltoqsandaǵy № 2305 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgeristerdiń 4-tarmaǵy (Qazaqstan Respýblıkasynyń PÚAJ-y, 2010 j., № 4, 54-qujat). 4. «Kásipkerlik máseleleri jónindegi saraptamalyq keńester týraly úlgi erejeni bekitý týraly» Qazaqstan Respýblıkasy Úkimetiniń 2006 jylǵy 2 maýsymdaǵy № 496 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2012 jylǵy 8 qarashadaǵy № 1417 qaýlysy (Qazaqstan Respýblıkasynyń PÚAJ-y, 2012 j., № 77-78, 1148-qujat). 5. «Qazaqstan Respýblıkasy Úkimetiniń keıbir sheshimderine ózgerister men tolyqtyrý engizý týraly» Qazaqstan Respýblıkasy Úkimetiniń 2013 jylǵy 31 jeltoqsandaǵy № 1524 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýdyń 4-tarmaǵy (Qazaqstan Respýblıkasynyń PÚAJ-y, 2013 j., № 78, 1037-qujat).