IýNESKO-nyń bas hatshysy Irına Bokova bolgarlyq «Nova televızııa» telearnasyna bergen suhbatynda óziniń BUU bas hatshysy laýazymyna kandıdat retinde qatysýǵa nıetti ekenin málimdedi.
«Aldaǵy BUU bas hatshysynyń saılaý úderisine óz kandıdatýramdy usynýǵa bekindim. Jaýapkershilikti jete sezinemin jáne saılaýda jeńip shyǵatynyma senimdimin», – dedi ol suhbat barysynda. Bokovanyń atap ótýinshe, Bolgarııadan kandıdat bolyp túsý ózi úshin asa mańyzdy. О́ıtkeni, bul laýazymda adam barlyq múddeli taraptardyń qoldaýyna ıe bolýy tıis. Onyń ishinde, eń aldymen, BUU qaýipsizdik keńesi turaqty músheleriniń qoldaýy qajet. Sondaı-aq, ol óziniń kandıdatýrasyn halyqaralyq kóshbasshylar kóbirek qoldap otyrǵanyna da toqtalǵan. Buǵan qosa, Irına Bokova BAQ-tarda ózin qaralaıtyn jarııalanymdar kóbeıe bastaǵanyna ókinish bildirgen. «Bárine birdeı unaý múmkin emes. Biraq men ózimdi qoldaıtyn kúshterdi biriktire alamyn dep oılaımyn», – dedi ol osy jóninde.
Keshirim suraýdy talap etti
Amerıkan-ıslam qatynastary jónindegi keńes AQSh prezıdenttigine úmitker Donald Tramptan onyń saılaýaldy mıtıngisi kezinde qýylǵan narazylyq bildirýshi musylman áıelden keshirim suraýdy talap etti.
Atalǵan keńestiń málimdemesinde Soltústik Karolınada ótken mıtıngte musylman Roýz Hamıdke qatysty áreketter «amerıkalyq musylmandardy qorqytý habarlamasy» ekendigi aıtylǵan. Donald Tramptyń shtattaǵy Rok Hıll qalasynda sóz sóıleý kezinde 56 jastaǵy jolserik Roýz Hamıd «Sálem. Men beıbitshilikpen keldim» dep jazylǵan jeńil jeıdemen turǵan eken. Ol ornynan kóterilgende, aınalasyndaǵy adamdar toby «Tramp! Tramp!» dep aıqaılaı bastapty. Osy kezde áıelge kúzetshiniń biri onyń bul aradan ketýi kerektigin bildirgen. Muny D.Trampty qolpashtaǵandar da qoldaı jónelipti.
Aýǵan beıbit kelissózi bastaldy
Keshe Islamabadta Aýǵanstan, Pákistan, AQSh jáne Qytaı bıligi ókilderiniń qatysýymen aýǵan beıbit úderisin jandandyrý jónindegi kelissóz bastaldy. Bul jóninde birqatar aqparat agenttikteri habarlady.
Osy tórt memlekettiń delegasııasy Kabýl men «Talıban» qozǵalysy arasynda tikeleı kelissózder júrgizýdiń joldary men onyń sharttaryn talqylaýda. Taraptardyń bul jolǵy kezdesýine «Talıban» ókilderi qatyspaıdy. Aýǵanstan premer-mınıstri A.Abdýllanyń baspasóz hatshysy Javed Feısaldyń habardar etýinshe, kelissóz barysynda beıbit úderisti bastaý jáne ony júrgizýdiń tetikteri talqylanady. Sondaı-aq, kezdesýde Pákistan tarapy Kabýlmen kelissóz júrgizýge yqylas tanytyp otyrǵan «Talıban» ókilderiniń tizimin usynatyn bolady. Javed Feısaldyń sózine qaraǵanda, Islamabad Pákistandaǵy «Talıban» jasaqtaryna qarjylaı qoldaý kórsetýdi doǵarýǵa jáne ondaǵy sodyrlardyń Aýǵanstan aýmaǵyna qaraı oıysýyna múmkindik bermeýge kelisip otyr.
Qysqa qaıyryp aıtqanda:
- Jeksenbi kúni Mysyrdyń jańa parlamenti alǵashqy otyrysyn ótkizdi. Taıaýdaǵy eki aptada zań shyǵarýshylar osydan úsh jyl buryn sot sheshimimen taratylǵan parlamentten keıin úkimet engizgen júzdegen zań jobalaryn qaraýlary tıis.
- Fransııa prezıdenti Fransýa Olland Parıjdegi meshitte boldy. Ol meshit ımamy Dalıl Býbaermen jáne eldegi musylman dini keńesiniń basshysy Anvar Kbıbeshpen áńgimelesti.
- Túrkııanyń quqyq qorǵaý organdary eldiń ońtústiginde sırııalyq jýrnalıstiń ólimine kúdikti retinde úsh adamdy tutqyndady. Qazirge olardyń aty-jónderi atalǵan joq.
- Meksıkada áýesqoı fýtbolshylar men jankúıerler mingen avtobýs ózenge qulap, saldarynan 10-ǵa jýyq adam mert boldy jáne 30 adam jaraqat aldy.
KHDR AQSh-qa taǵy doq kórsetti
Soltústik Koreıa Ońtústik Koreıanyń ústimen ushyp ótken amerıkalyq strategııalyq bombalaýshy V-52 ushaǵyna qatysty AQSh-qa «ıadrolyq jaýap beredi» degen sıpatta doq kórsetti.
«Novostı» agenttiginiń taratqan aqparaty boıynsha, Soltústik Koreıanyń «Nodon sınmýn» ortalyq gazetiniń keshegi shyqqan nómirindegi bir maqala osy máselege arnalǵan. Onda AQSh-tyń «soǵys jaǵdaıǵa ıterip» otyrǵany atalypty. Sonymen qatar, basylym Vashıngtondy «qarsy turýshylyq tarıhynan sabaq» alýǵa shaqyrǵan. Al «Reıter» aqparat agenttigi Ońtústik Koreıanyń qorǵanys mınıstrligine silteme jasaı otyryp, Vashıngton men Seýl Ońtústik Koreıaǵa strategııalyq qarýlardy ornalastyrý múmkindigin qarastyryp jatqanyn habarlady.
«Aımaqtaǵy iske kılikti» dep aıyptady
Arab memleketteri lıgasynyń syrtqy ister mınıstrleriniń Kaırde ótken kezdesýinde oǵan qatysýshylar Irandy «aımaqtaǵy iske kılikti» dep aıyptaǵan málimdeme taratty.
Syrtqy ister mınıstrleriniń málimdemesinde Teherannyń eldegi Saýd Arabııasy dıplomatııalyq ókildiginiń qaýipsizdigin qamtamasyz ete almaǵany, bul halyqaralyq kelisimdi buzý bolyp tabylatyny kórsetilgen. Málimdemege uıymǵa múshe elderden Lıvan ǵana qarsylyq bildirgen. О́ıtkeni, Lıvanda shııtter súnnıtterden keıingi ekinshi iri top sanalady jáne bul elde Iran qoldaıtyn «Hezbolla» uıymy áreket etedi. Málimdemede Iranǵa qarsy qandaıda bir jazalaý sıpatyndaǵy sharalardy qoldaný aıtylmaǵan. Eki memleket arasyndaǵy jaǵdaı 1 qańtar kúni ólim jazasyna kesilgen shııtterdiń dinı tulǵasy Nımr ál-Nımrge shyǵarylǵan úkim oryndalǵannan keıin ýshyǵyp ketken edi.
Katalonııa basshysy otstavkaǵa ketpek
Katalonııa basshysy Artýr Mas óziniń bılikten ketetinin málimdedi jáne ol bul orynǵa Jıron Karles Pýchdemon kelýi múmkin ekenin de jasyryp qalmady.
Ispanııanyń bul aýmaǵyn 2010 jyldan beri basqarǵan Artýr Mastyń qyzmetten ketýine eldegi «Ulttyq úmitkerler birligi» partııasy men «Bárimiz birgemiz» partııasy arasyndaǵy kelispeýshilik sebep bolǵan eken. Dálirek aıtqanda, Katalonııanyń táýelsizdigin qoldaıtyn bul eki partııa koalısııa basshysyn tańdaý kezinde talasyp qalypty. Degenmen, ishinara kelispeýshilikke qaramastan, osy eki saıası uıym ótken jyldyń qarashasynda Ispanııadan bóliný bastamasyn kótergen edi. Al Madrıd buǵan birden qarsylyq bildirgen bolatyn.
Internet materıaldary negizinde ázirlendi.
