Armııany qaýipsizdik tosqaýyldarymen qamtamasyz etti

ASTANA. 12 qańtar. 2015 jyly qazaqstandyq armııanyń jaraqtandyrylýyna «Qazaqstan ınjınırıng» UK» AQ-tyń enshiles kásiporny otandyq S.M.Kırov atyndaǵy mashına qurastyrý zaýytymen shyǵarylǵan tótenshe jaǵdaılar kezinde qoldanylatyn arnaıy qaýipsizdik tosqaýyldary kelip tústi.  Bul týraly egemen.kz tilshisi habarlady. 2015 jyly qazaqstandyq armııanyń muqtajdyǵy úshin zaýyt ónimniń jańa túri, ıaǵnı, tótenshe jaǵdaılarǵa arnalǵan arnaıy qaýipsizdik bógetin ıgerdi. Kásiporyn tıisti qurastyrý jáne tehnologııalyq qujattama paketin ázirledi, óndiristi daıyndaýdy júzege asyrdy. Memlekettik qorǵanys tapsyrysyn oryndaý sheńberinde 2015 jyldyń qarasha-jeltoqsan aılarynda Qazaqstan Respýblıkasynyń Qarýly Kúshterine, ıaǵnı QR QK-niń 68602 áskerı bólimine 2 myń tosqaýyl jetkizilip berildi. Arnaıy qaýipsizdik bógeti birneshe segmentten quralǵan bólshekteletin jınalmaly torly qurylymnan turady. Onyń árqaısysynyń ishinde geometkelden jasalǵan japsyrma ornatylady. Tosqaýyl áskerı is-qımyldar men lańkestikke qarsy is-sharalar kezinde fortıfıkasııalyq qurylystardy tez arada turǵyzý úshin arnalǵan. Sondaı-aq ony ózender men sý qoımalarynyń jaǵalaryn bekitý úshin qoldanýǵa bolady. Qurylys -40° S-tan + 50°S-qa deıingi temperatýrada qalypty jáne sýyq klımat jaǵdaıynda ashyq aýda paıdalanylady. Mundaı arnaıy qaýipsizdik tosqaýyldary AQSh, Izraıl jáne Reseı Federasııasynyń Qarýly Kúshterinde belsendi túrde qoldanylyp júrgenin aıta ketken jón. Dastan Kenjalın. Derek, sýret: egemen.kz