ASTANA. 12 qańtar. Qazaqstan Respýblıkasy Qarýly Kúshteriniń áskerı qyzmetshileri erkin túrde materıaldyq qarajat jınaý arqyly qaıyrymdylyq tanytyp, eki jasar búldirshin Veronıka Grıgorevany emdeýge úles qosty. Bul týraly egemen.kz tilshisi habarlady.
Aqsha jınaý QR QK áskerı qyzmetshileriniń qaıyrymdylyq júgirýinde uıymdastyryldy. Ol «Áskerı áýlet» baıqaýy sheńberinde ótkizilip, 700-den asa adamnyń basyn toǵystyrdy. Áskerı qyzmetshiler bul marafonǵa búkil otbasylarymen qatysty. Osylaısha, óskeleń urpaqqa, óz balalaryna muqtaj adamdarǵa qaıyrymdylyq tanytý, járdem berý men qoldaý kórsetýdiń mańyzdylyǵyn kórsetti. Jınalǵan qarajat Arýjan Saınnyń «DOM» qoǵamdyq qoryna berildi.
«Bul balalarǵa qolushyn sozýdaǵy bizdiń tıtteı ǵana úlesimiz. Em-dom qabyldaý asa mańyzdy bolyp keletin syrqatqa shaldyqqan búldirshinge sál de bolsa kómek kórsetken jaǵdaıda beı-jaı qalmaý qanshalyqty mańyzdy ekenin túsinesiń», deıdi áskerıler.
Qoldaý men kóńil bólýge zárý adamdarǵa qaıyrymdylyq kórsetý, qamqorlyqqa alý búginde Qazaqstan Respýblıkasynyń Qarýly Kúshterinde munyń barlyǵy ajyramas bólikke aınalýda. Otan qorǵaýdy ózderiniń qasıetti boryshy dep sanap, áskerı qyzmetshiler qaıyrymdylyq jumysqa, múmkindigi shekteýli, ata-analarynyń qamqorlyǵynan aıyrylǵan balalarǵa, egde jastaǵy qarııalarǵa kómek kórsetý jáne qoldaý bildirýge barynsha nazar aýdarýǵa tyrysyp baǵýda.
Grıgoreva jetilmegen balalardyń retınopatııasyna shaldyqqan. Bul kóz aýrýy kóz qabyrshyǵy damýynyń buzylýy saldarynan paıda bolady jáne tolyq kórý qabiletinen aıyrýǵa ákep soqtyrýy múmkin. Búldirshin kózge jasalatyn tórt otany bastan keshirdi. Bul ota oń nátıjelerin berdi. Endi mamyr aıynda ony sońǵy operasııa kútip tur.
Dastan Kenjalın.
Derek, sýret: egemen.kz
