Aqtóbede fıtnes-klýb órtendi

AQTО́BE. 12 qańtar. Aqtóbe qalasyndaǵy iri fıtnes-klýbtardyń birinde órt shyqty. Bul týraly egemen.kz tilshisi habarlady. Oblystyq tótenshe jaǵdaılar departamentiniń memlekettik til jáne aqparat toby taratqan málimdemede: «2016 jyldyń 10 qańtarynda saǵat 11:52-de órt sóndirý qyzmeti baılanys bóliminiń ortalyq pýnktine Aqtóbe qalasynyń ortalyǵynda ornalasqan «WorldClass» fıtnes-klýbyndaǵy saýnanyń órtenip jatqany týraly habarlama kelip tústi», – delingen. Oqıǵa ornyna alǵashqy órt sóndirý bólimsheleri 4 mınýttyń ishinde kelip jetken. О́rt sóndirýshiler tarapynan júrgizilgen barlaý barysynda órttiń fıtnes-klýb saýnasynyń bý bólmesinen shyqqany anyqtaldy. Qyzyl jalyn saǵat 12:13-te tolyq sóndirildi. О́rtiń jalpy kólemi 4 sharshy metr aýdandy aldy. Ǵımarat ishin qoıý qara tútin basqandyqtan, barlyǵy 38 adam (30 qyzmetker, 8 kelýshi) syrtqa shyǵarylǵan. О́rttiń saldarynan zardap shekkender bolǵan joq. Aıta keteıik, órtti sóndirý jumystaryna barlyǵy 14 negizgi jáne 3 arnaıy tehnıka, jeke quramnan 40 adam jumyldyryldy. Satybaldy Sáýirbaı. Derek, sýret: egemen.kz.