Japonııada hakerler qolynan júzdegen saıttarǵa zııan kelgen

ASTANA. 26 qańtar. Japonııada hakerler shabýylynan densaýlyq saqtaý mınıstrliginiń resmı saıty isten shyqty. NHK telearnasynyń málimdeýinshe, bul isti belgili Anonymous uıymynyń istegeni anyqtaldy. Bul týraly TASS aqparat agenttigine silteme jasaǵan egemen.kz tilshisi habarlady. Saıt qyzmetkerleri dúısenbi kúnnen beri jumystaryna kirise almaǵanyn aıtyp, shaǵymdandy. Bul saıtqa osymen ekinshi márte shabýyl jasalyp tur. О́tken jyldyń qarasha aıynda osyndaı jaǵdaıǵa tap bolyp, qalpyna keltirilgen bolatyn. Dúısenbi kúnigi shabýyldan keıin Japonııa basshylyǵy bul iske qarsy turýdyń jańa joldaryn qarastyrdy. Aıta keteıik, ótken jyly kıberqylmyskerler Japonııada iri saıttarǵa júzdegen márte shabýyldaǵan. Saldarynan 140 uıymnan 2,07 mıllıon adamnyń jeke deregi urlandy. Jergilikti BAQ ókilderiniń habarlaýynsha, Anonymous hakerleri 100-ge jýyq isti, sonyń ishinde premer-mınıstr Sındzo Abeniń resmı saıtyna jasalǵan áreketti óz moıyndaryna aldy. Atalǵan hakerler uıymy sondaı-aq, Taılandta jergilikti sottyń 300-ge jýyq veb-saıtyna jáne bıliktiń kóptegen ınternet-resýrstaryna zııanyn tıgizgen. Aıan Ábdýálı. Derek: TASS. Sýret: ru.tsn.ua.