Jalpyhalyqtyq bolashaqqa senim

Qazaq halqynda jas urpaqty, qoǵam múshelerin Otanǵa, halqyna, elge, jerge degen súıispenshilikke tárbıelep, muny olar­dyń boıyna sińirip, qalyp­tastyrý jetekshi oryn alady. О́ıtkeni, Otan, halyq, el, jer degen uǵym óte aýqymdy. Buǵan shyn máninde adamnyń búkil bolmysynyń qatysy bar. О́ziniń búkil halyq bolyp, memleket bolyp qurylý tarıhynda talaı tar jol, taıǵaq keshýlerdi basynan keshirip, únemi shapqynshylardyń shabýylyna tótep berýmen eldi, jerdi qorǵaýdyń qadirin erte túsinip, balasyn ana sútimen birge Otanyn súıýge jáne qorǵaýǵa tárbıelegen. Otansúıgishtik rýh – Qazaq eliniń álemdik órkenıetti elder kóshine qosylyp, dúnıejúzilik qoǵamdastyqtan laıyqty oryn alýyna múmkindik beretin birden-bir kúsh. Sondyqtan da Elbasymyzdyń Bes ınstıtýttyq reformany júzege asyrý boıynsha «100 naqty qadam» – Ult Josparyndaǵy oryndalýǵa tıis Máńgilik El jalpyulttyq ıdeıasynyń júzege asýyna barlyǵymyz atsalysýymyz kerek dep oılaımyn. Sebebi, Máńgilik El ıdeıasynda bolashaqqa degen jalpyhalyqtyq senim anyq kórinis taýyp otyr. Táýelsizdiktiń 25 jylǵa jýyq ýaqyt ishinde Qazaqstan Elbasymyzdyń syndarly saıasatynyń arqasynda alpaýyt elderdiń arasynan óz ornyn oıyp turyp aldy. Bul – jasampaz qazaqstandyq patrıotızmniń negizi. Árbir qazaqstandyq elim, jerim dep eńbektense, ortaq birtektilik pen el birligine qol jetkizýge bolady. Ol úshin jergilikti jerlerde atqarylyp jatqan jumystarda Qazaqstan qoǵamyn damytý arqyly Elbasy tapsyrmalary oryndalatynyn basty nazarda ustaý kerek. Iаǵnı, elge esep beretin jergilikti atqarýshy organ bolýy mindetteledi. Ult Josparynda «Jergilikti ózin ózi basqarý kommýnaldyq menshigi» ınstıtýtyn engizý arqyly aýyldyq okrýgter deńgeıinde ákimshilik-aýmaqtyq birlikti nyǵaıtý máselesin sheshý kózdelgen. Ol degenimiz – eldi mekenderde jergilikti ózin ózi basqarýdyń derbes bıýdjetin engize, qoǵamdyq mańyzdy máselelerdi qamtıtyn jergilikti bıýdjetterdiń jobalary boıynsha azamattardyń usynystaryn qaraı otyryp sheshim qabyldaý. Reformalardy oryndaýda aldymen patrıottyq sezimi kúshti, rýhanı baı, elge jaqyn memlekettik qyzmetshi qajet. Qoryta aıtqanda, bizdiń árqaısymyz, jalpy qazaqstandyqtar, Ult Josparyn júzege asyrýǵa atsalysýymyz kerek, óıtkeni, ol – bizdiń bolashaǵymyz. Jańabaı MÝSIN, Qaýyljyr aýyldyq okrýginiń ákimi. Aqtóbe oblysy, Shalqar aýdany.