Ornyqty damý baǵdary

Qazaqstan Respýblıkasynyń Tuń­ǵysh Prezıdenti, Elbasy Nursultan Nazarbaevtyń «Ult Jospary – qazaqstandyq armanǵa bastaıtyn jol» atty maqalasynda aıtylǵan jaǵ­daıattar elimizdiń aldynda turǵan aýqymdy mindetterdi naqtylap kór­setip bergen. Tarata aıtar bolsam, Elbasy Táýelsizdigimizdiń 25 jyldyǵy qar­sańynda «Bes ınstıtýttyq reformany júzege asyrý boıynsha 100 naqty qadam» – Ult Josparyn oryndaýdyń praktıkalyq kezeńi bastalǵanyn atap ótti. Bul – qazirgi ýaqyttaǵy jahandyq daǵdarys kezinde jasalǵan batyl qadam bolyp esepteledi. Sondaı-aq, Elbasy «bizdiń qazaqstandyq armanymyz – HHI ǵasyrda kóshbasshy otyz eldiń biri bolýǵa qol jetkizýimizge jol ashatyn» baǵytymyzdy aıqyndap berdi. Búkil qazaq jurtynyń ejelden bergi uly armany – egemen el bolý edi, mine, endi sol Táýelsizdigimizge qol jetkizgeli de shırek ǵasyr ýaqyt ótti. Táýelsizdiktiń alǵashqy jyl­darynda kezdesken el bolyp qalyp­tasý jolyndaǵy qıyndyqtardan El­basynyń kóregen saıasaty, ólsheýsiz eńbegi arqasynda óttik. Endigi aldymyzda kútip turǵan syndarly kezeń­derden súrinbeı ótý úshin osy maqaladaǵy aıtylǵan ózekti túıinderdi negizgi nysan ete otyryp, alǵa ilgerileýimiz kerek. Elbasymyzdyń bul maqalasyndaǵy «Mem­leketti kásibılendirý», «Quqyq tártibi jáne zańdylyq», «Bıýrokrattyq shyǵynsyz ekonomıkaǵa qadam basý», «Syrtqy ınvestısııalardyń jańa kózderi», «Innovasııalyq ındýstrııa­landyrý kókjıekteri», «Áleýmettik jańǵyrtý yntalandyrýshylary», «Reformalar tabysy – ult birligine bastar jol», «Qoǵamǵa esep beretin ashyq memleket», «Memleket fýnksııalaryn básekelesti ortaǵa jáne jergilikti ózin ózi basqarýǵa berý» jáne Ult Jospary – Qazaqstandy keń aýqymdy jańǵyrtý jobasy» atty bólimderinde aıtylǵan baǵyttar bizdi jigerlendirip, qıyndyqqa moıymaı, tek qana jeńiske jetýge úndeıdi. Naqtylaı aıtqanda, maqalada memleket pen qoǵam aldyndaǵy mindetterdi oryndaý úshin jumyla qyzmet etýimizdiń qajettigi, sonda ǵana Táýelsizdigimizdiń tuǵyrly, irgemizdiń berik bolatyny uǵynyqty jetkizilgen. Elbasynyń osy maqa­lasyndaǵy quqyq tártibi jáne zańdylyq aıasynda aıtylǵan usynystary men oı-pikirleri de meniń otandastarymdy beıjaı qaldyrmasy anyq. Sebebi, Táýelsiz elimizdiń, azamattarymyzdyń quqyǵy men bostandyǵy eń mańyzdy orynda turmaq. Sondyqtan da, eń áýeli el ishindegi tártip pen quqyqty qatań saqtaıtyn zańnyń orny bólek. Biz qoǵamda tynyshtyqtyń mańyzdy ekenin bilýge tıispiz. Qazirgi tańda álemdegi kóptegen elder arasyndaǵy alaýyzdyq nátı­jesinde týyndap jatqan keleńsizdikter men jantúrshigerlik oqıǵalar bizge yntymaǵy jarasqan el bolýdyń qanshalyqty mańyzdy ekenin kórsetip otyr. Men Aýǵanstan jerindegi soǵysty kórgen adammyn. Soǵystyń zardaby qandaı bolatyny áli kúnge kóz aldymda. Sol bir aýyr jyldardy esime ala otyryp, búgingi bizdiń beıbit te tynysh qoǵamymyzǵa qarap shúkir deımin. Munyń bári Elbasynyń sarabdal saıasaty men el basqarýdaǵy kóregendiginiń arqasy. Sondyqtan da, biz jalpy halyq bolyp judyryqtaı jumylǵan birlikpen Elbasyn qoldap-qýattaý arqyly «Máńgilik Eldiń» beıbit týyn jelbiretip, qazaqstandyq armanymyzdyń oryndalýy jolynda aıanbaı eńbek etýimiz kerek. Jangeldi MAHAShOV, «Aýǵanstan ardagerleri» respýblıkalyq qoǵamdyq birlestigi tóraǵasynyń birinshi orynbasary. ASTANA.