Bel asyrar belsendilik kerek

Búgingi tańda álem­de qarqyndy damýmen qa­tar kópte­gen qaýip tóń­diretin jaıt­tar da oryn alýda, bir jaǵynan dinı ala­ýyzdyq, ekinshi jaǵynan ekonomıkalyq daǵdarys barsha halyq­tardy tereń oıǵa tú­sirýde. Osyndaı saıa­sı ózgeristerge, quby­lystarǵa toly zamanda Elbasynyń «Ult Jospary – qazaqstandyq armanǵa bastaıtyn jol» atty baǵdarlamasy tyǵyryqtan shy­ǵýdyń aıqyn­dalǵan joly dep bilemiz. Hal­qymyzdyń bir­li­gin, tatýlyǵyn, «bir qoldan jeń, bir jaǵadan bas» shy­ǵara bi­letin ǵasyrlar boıy qa­lyp­tasqan danalyǵymyzdy Nursultan Ábishuly alǵa tartyp, qoǵamymyzǵa úlken jaýapkershilik artqany, halqyna degen zor senimdi kórsetkeni sózsiz. Álemdi sharpyǵan daǵdarystyń, munaı baǵasynyń quldyraýy jáne Reseıge salynǵan sanksııalardyń bizdiń elge de tıgizer keri áserin baǵamdaımyz. Álemdik ekonomıka damýynyń 2015-2017 jyldarǵa arnalǵan boljamdary kóńilge demeý bola almaıdy. Metall men munaıǵa álemdik baǵa aıtarlyqtaı quldyraýda. 2016 jyly álemdik qarjy-ekonomıkalyq daǵdarys shyrqaý shegine jetedi degen sarap­shylardyń boljamy da bar. Egemendik úshin, qazaq ultynyń bolashaǵy úshin aıanbaı kúresken HH ǵasyrdyń kórnekti tulǵasy Ahmet Baıtursynovtyń «El búginshil, meniki erteń úshin» degen sózderi bizdiń Elbasymyz Nursultan Ábishuly Nazarbaev­tyń búkil bolmysyn, jasap jatqan is-áreketterin aıqyn sıpattaıtyny sózsiz. Prezıdenttiń «100 naqty qa­dam» Ult Jospary halyqtyń kókiregine sáýle shashyp, sanasyna oı berip, 30 damyǵan eldiń qataryna enýine baılanysty strategııalyq sheshimdi iske asyrýda serpin bergeni haq. Osy maqalany oqyp, sanadan ótkizgen sátten bastap zııaly qaýym aldynda elimizdiń azamattarynyń barlyq áleýmettik taptary men toptaryna, barlyq jikteri men múshelerine ortaq ulttyq ıdeologııany, ıaǵnı, «Máńgilik El» uǵymynyń ózektiligin arttyrýda jasalatyn jumystyń mańyzy orasan zor eken degen oı túıdim. О́ıtkeni, uly maqsatqa qol jetkizý úshin ıdeologııasyz eshbir nátıjege jetý múmkin emes. Árbir otandasymyz óziniń eldiń aldyndaǵy boryshyn, jaýapkershiligin sezinip, otansúıgishtigin kórsete bilgen sátte ǵana alpaýyt memleketterge ózimizdiń qabileti joǵary, básekege tótep bere alatyn el ekendigimizdi dáleldeı alamyz. «100 naqty qadam» Ult Jos­pary – bul nátıjesi jaǵynan elimizde uzaq merzimdi, keshendi, júıeli, keń kólemde yqpal ete­tin strategııalyq qujat, son­daı-aq, túbegeıli qury­lym­dyq, ınstıtýttyq, júıelik óz­ge­risterge ákeletin reformalar kesheni, jań­ǵyrtý jobasy. Osy joba tarıhı ýaqyt jaǵynan jas memleketimizdiń rýhy bıik halqy bar ekendigin, kó­regen basshysy bar damyǵan memleketter qataryna ene ala­tyn el ekendigin dáleldegeni haq. Halyqtyq sanany qalyp­tas­tyryp, ony damytýda tarıhtyń atqaratyn mindetin eshbir qoǵam­dyq ǵylym atqara almaıdy. Saıa­sı mánge ıe bolǵan «Máńgilik El» uǵy­my halyqty birlikke, zııaly qaýymdy toptasýǵa, ortaq múd­dege shaqyratyn sımvolǵa aınalǵany barshamyzǵa málim. Urpaqtyń ulttyq sana-sezimin qalyptastyrýda jáne olardyń ıntellektýaldy áleýetin damy­týda bul ataýdyń atqaratyn qyz­meti úlken. Innovasııalyq jańalyqtarmen ushtastyra otyryp, bolashaq mamandar qoǵamnyń ıntellektýaldy elıtasy bolyp ósýi kúmánsiz. Ár ulttyń tarıhynda onyń búkil bolmysyn, damý jolyn, túpki maqsatyn sheship beretin jáne sony júreginen ótkizgen, sol adam aıtqan ıdeıa qanyna sińip ketetin tulǵalar bolady. Orystar ony ult ákesi – «otes nasıı» deıdi, qazaqtar «ult kósemi» dep ataıdy. Bizdiń qazaqstandyq ult kósemi N.Á.Nazarbaev dep bilemiz. Máńgilik El ulttyq ıdeıasynyń negizgi máni – máńgilik maqsat-murattarymyz ben mádenı-rýhanı qundylyqtarymyzǵa negizdelgen, memleket qurýshy qazaq halqy men ózge de ulttardyń ulttyq ıdeıalaryn bir arnaǵa toǵystyratyn ıdeologııa arqyly qalyptastyrylatyn qazaqtyń ulttyq memleketi. Máń­gilik El ulttyq ıdeıasy degenimiz – ótkenimizden sabaq ala otyryp, bolashaǵymyzdy baıandy etý jolyndaǵy haq murattarymyz! Álemdi daǵdarys qysqan sátte Elbasynyń salıqaly saıasatynyń arqasynda elimizdiń ekonomıkasyna jańa ınvestısııalyq saıasat serpin berýde. Sonymen qatar, qarjy sektoryn turaqtandyrý boıynsha is-sharalardy qolǵa alý, eń bastysy, árqaısymyzdyń qolymyzdan keletini ulttyq valıý­taǵa – teńgemizge degen senim­di arttyrý. Jalpy, «100 naqty qadam» Ult Jospary tolyǵymen oryndalýy bizdiń belsendi pozısııamyzǵa baılanysty dep oılaımyn, sebebi, Elbasy Jalpyǵa Ortaq Eńbek Qoǵamyn qurýdy árqashanda alǵa tartatyny barshamyzǵa málim. Bilim salasynda bastalǵan refor­malar ári qaraı jalǵasyn tabady, sondyqtan da, durys oqyp, bilim berý, ıaǵnı, qabilettiligi jo­ǵary mamandy daıyndaý – óz úlesimizdi qosý dep bilemiz. Myqty memle^­ket qurý, Máńgilik El ıdeıa­syn árqaısymyzdyń sanamyzǵa sińirip otansúıgishtikti dáripteý, Uly Dala brendin álemge pash etý ózimizge baılanysty qurmetti Otandastar! Nurǵalı ARShABEKOV, Pavlodar memlekettik pedagogıkalyq ınstıtýtynyń rektory.