Jedel járdemdi 8718 ret jalǵan shaqyrypty

Jaqynda ǵana aqparat quraldary Almatyda jedel járdem qyzmetiniń eki dárigerine bir er adamnyń shabýyl jasap, dene jara­qatyn salǵanyn jarysa jazdy. Shynynda, el bolǵannan keıin arasynda teris pıǵyldy jandar da bolady. Aq halatty jandar jedel qyzmet etetindikten kómekke shaqyrǵan adamdardyń qandaı kúıde, qandaı ortada otyrǵanyn baǵamdaýǵa murshasy joq. Jasyratyny joq, jurt kó­binese jedel járdem qyzmetine kóńili tolmaıtynyn ashyq aıtyp jatady. Ras, keı kezderi aq halatty jandardyń shaqyrýǵa keshigip barýy, naýqas túri boıynsha brıgadanyń sáıkes kelmeýi oryn alady. О́ıtkeni, «Jedel járdem» – asa shuǵyl qyzmet. Sondyqtan, brıgadanyń der kezinde jetip, medısınalyq kómekti ýaqtyly kórsetýi úshin turǵyndar da biraz erejelerdi eskerýi qajet. Taraz qalalyq medısınalyq jedel járdem stansasynda 56 sanıtarlyq avtokólik bar. Is ústindegi brıgadalardyń ortasha táýliktik sany – 42. Onyń ishinde 1 jansaqtaý brıgadasy, 3 qarqyndy terapııa brıgadasy, 4 balalar brıgadasy, 1 psıhotrııalyq brıgada jáne basqa da brıgadalar bar. Jyl basynan beri emhanalardyń jumys ýaqyty kezinde negizsiz shaqyrýlar sany 53316-ny qu­rapty. Al, jalǵan shaqyrýlar sany 2015 jyldyń 10 aıynda – 8718 bolyp otyr. Sondyqtan, jedel járdem brıgadasyn saýatty túrde shaqyrýdyń ózi naýqastyń ómirine arasha bolatyn alǵashqy qadam ekenin túsiný qajet. Qysqa ári nusqa aı­týǵa tyrysyńyz. Jedel járdem stansasynda arnaıy baǵdarlama ornatylǵan kompıýterler bar. Shaqyrýdy qabyldaǵan dıspet­cher baǵdarlamanyń barlyq terezelerin túgel toltyrmaıynsha, aqparat, ıaǵnı, shaqyrý stansaǵa túspegen bolyp sanalady. Sizdiń árbir durys jaýabyńyz aýrý sıpatyn aıqyndaı túsedi. Jedel járdem kelýden bas tartpasyn degen oımen keı jaǵdaıda jalǵan ýáj aıtatyn jandar da kezdesedi. Mysaly, ishi nemese basy aýyryp tursa da oılanbastan «Júrek aýrýy» nemese «О́lip barady» dep aıta salady. Mundaı jaǵdaılar medısınalyq kómektiń shuǵyl kórsetilýine kedergi keltiredi. Uıalǵany ma, qoryqqany ma, áıteýir keıbir adamdar ishim­dik ishkenin jasyrǵysy kele­di. Biraq bul durys emes. Naýqas­tyń ishimdik qabyldaýy – jedel járdem kórsetýden bas tar­týǵa sebep emes. Alkogol jan­syz­dandyrǵysh qasıetke ıe. Ol mólsherden tys qabyldanǵan jaǵdaıda, aýrý belgileri naqty emes. Al eger naýqas alkogoldi kóp mólsherde qabyldaǵanmen, ony jasyryp, jalǵan aıtsa, onyń aýyrlyq jaǵdaıy tıisti deń­geı­de baǵalanbaıdy. Bul kezde naýqastyń jalǵan sóılegeni úshin dáriger ashýlansa, al bilimsiz bolyp kóringen dárigerdiń jaıba­ra­qat­­tyǵyna naýqas yzalana tú­sedi. Taraz qalasynda medısınalyq jedel járdem qyzmeti halyqqa tegin qyzmet kórsetedi. Stansada bilikti dárigerler men kásibı mamandar, maman sertıfıkattary bar feldsherler jumys isteıdi. Olardyń kóbi halyqtyń alǵysyna bólengen jandar. Kúlzahıra QYZǴARAEVA, Taraz qalalyq medısınalyq jedel járdem stansasy bas dárigeriniń orynbasary.           Jambyl oblysy.