Ulybrıtanııanyń belgili ánshisi qaıtys boldy

ASTANA. 27 qańtar. Ulybrıtanııanyń belgili ánshisi Black laqap atymen tanylǵan Kolın Vırnkoýmb 53 jasynda qaıtys boldy. Bul týraly interfax.ru saıtyna silteme jasaǵan egemen.kz tilshisi habarlady. Ánshi 2016 jyly qańtar aıynyń 10 kúni Irlandııanyń Kork qalasyna taıaý mańda jol apatyna ushyrap, aýyr jaraqat alǵan. Ýaqytynda aýrýhanaǵa jetkizilip, dárigerler qaraýynda bolanymen, sońǵy eki kúnde Kolın Vırnkoýmbtyń jaǵdaıy kúrt nasharlap ketti. Al ánshiniń kóz jumǵany týraly aqparat facebook áleýmettik jelisindegi jeke paraqshasynda jazylǵan. Aqparat boıynsha, ol jaqyndary men dostarynyń ortasynda jan tásilim etti. Kolın Vırnkoýmb 1962 jyly Lıverpýl qalasynda dúnıege kelgen. Alǵash bolyp shyǵarǵan Human Features áni 1981 jyly tyńdarmandaryna jol tartqan bolsa, Wonderful Life áni arqyly ataǵy keńinen taraı bastady. Osyǵan deıin óziniń 15 albomy shyǵaryldy. Aıta keteıik, sońǵy bir jarym aı ishinde Ulybrıtanııanyń belgili eki ánshisi qaıtys boldy. Onyń biri – Motorhead tobynyń negizin qalaýshy Lemmı Kılmıster bolsa, al ekinshisi – Devıd Boýı. Aıan Ábdýálı. Derek, sýret: interfax.ru.