Aq úıdiń aldynda – otyz jyl

ómirin pıkette ótkizgen áıel dúnıeden ozdy AQSh-tyń Vashıngtondaǵy Aq úıdiń aldynda 30 jyldan astam ýaqytyn pıkette turýmen ótkizgen áıel qaıtys boldy. Ol osy jyldardyń bárinde bılikten beıbitshilik úshin kúres pen ıadrolyq qarýsyzdanýdy talap etip kelipti. Washington Post gazetiniń málimetinshe, Konchıta Pıchchotto esimdi bul áıel dúısenbi kúni baqılyqqa attanǵan. Biraq onyń naqty jasyn eshkim bilmeıdi, tek 80-niń mańaıynda ekeni ǵana aıtylyp otyr. Beıbitshilik jolyndaǵy kú­resker áıel jóninde budan bas­qa da derek az. Ol 1960 jyly Is­panııadan AQSh-qa qonys aýdaryp kelgen. Sodan keıin ıtalııalyq jigitke turmysqa shyǵyp, bir qyz­dy asyrap alady. Alaıda, keıin Pıchchotto kúıeýiniń bala asyrap alýda alaıaqtyqqa barǵanyn bilip qoıyp, odan ajyrasady. Al qyz burynǵy kúıeýinde qalady. Sodan keıin olardyń joldary qaıtyp eshqashan toǵyspaıdy. Konchıta Pıchchotto 1981 jyly beıbitshilik jolynda kúresýshiler qozǵalysyna qosylady. Ol óziniń eki seriktesimen birge AQSh prezıdenti rezıdensııasynyń soltústik jaqtaǵy esigine qarsy bette beket qurady. Degenmen, olardyń qarýsyzdanýǵa shaqyrǵan kóptegen petısııalarynyń birde-biri kongreste qarala qoımaıdy. Sonymen birge, Aq úıdiń polısııasy men kúzeti bulardyń beıbit túrde qarsylyq nıetin bildirip jatqanyna kedergi de keltirmeıdi. Alaıda, zań boıynsha, pıket jasaýshy adamnyń bir ózin qaldyrýǵa bolmaıtyn edi. Sondyqtan sońǵy jyldary pikirlesterinen aırylǵan áıeldiń janyna jas belsendiler kele bas­tady. Olar udaıy bir-birin almastyratyn edi, tek Konchıta sol qalpy tura berdi. Murat AITQOJA.