Fransııanyń soltústik-shyǵysyndaǵy ıadrolyq qaldyqtar qoımasynda bolǵan taý jynysynyń qulaýy saldarynan bir adam qaza taýyp, taǵy bir adam jaraqat alǵan.
Qazirgi ýaqytta oqıǵa sebepterine tergeý júrgizilýde. Jer qyrtysy opyrylyp túsken sátte qoımada ıadrolyq qaldyqtardyń bolmaǵany anyqtalyp otyr. Búgingi kezeńde ony zerthana retinde paıdalanyp, bolashaqta qaldyqtar qoımasyn jasaýǵa daıyndaýda eken. Bul týraly VVS-diń Orys qyzmeti habarlap otyr.
Danııa bosqyndar aqshalaryn tárkilemek
Danııada sırııalyq bosqyndardan qaltalaryn «aýdaryp» kórsetýdi talap etýi múmkin. Atalmysh koroldikte memleketti mıgranttar úshin meılinshe tartymsyz etýge baǵyttalǵan jańa zańdar qabyldanýda.
Parlamenttegi úsh saǵatqa sozylǵan pikirtalastardan keıin depýtattar bosqyndardy qabyldaý erejesin aıtarlyqtaı qatańdatqan zań jobasyna qoldaý kórsetken. Eýropanyń quqyq qorǵaý uıymdary bolsa zańnamanyń keıbir erejelerine qatysty qatań syn aıtyp dabyl qaǵýda. Bárinen buryn olarǵa zańnyń polıseılerge bosqyndardy tintýge jáne olardyń aqshalary men 1340 eýrodan asatyn qundy zattaryn tárkileýge ruqsat beretin baby unamaı otyr.
Qar astynda qalǵan áıel qutqaryldy
AQSh-tyń Merılend shtatynda órt sóndirýshiler, medıkter men ulttyq gvardııa ókilderi ishinde úsh kún boıyna áıel otyrǵan avtomashınany qar astynan arshyp alǵan.
Zardap shekken áıel mashınadan ketýden bas tartqan kórinedi. Degenmen, biraz úgittegennen keıin ony gıpotermııadan em alý úshin aýrýhanaǵa jiberýdiń sáti túsken. Belgili bolǵanyndaı, ol áıel 22 qańtardan bastap avtomobıl ishinde otyryp, tek dúısenbi kúni keshkilik qana qutqarylǵan. Abyroı bolǵanda, zardap shekken áıeldiń aqyl-esi bútin jáne denesinde eshqandaı jaraqat joq bolyp shyqqan.
О́z lıderiniń merzimin bes jylǵa uzartty
Hanoıda ótip jatqan Vetnam kompartııasynyń HH sezi el basshylyǵyn aıtarlyqtaı jańartqan. О́tken sársenbi kúni sezd delegattary Vetnam kompartııasy ortalyq komıtetiniń bas hatshysy Ngýen Fý Chongty kelesi bes jyl merzimge qaıta saılady.
Ngýen Fý Chong óziniń partııadaǵy pozısııasyn saqtaǵan jáne nyǵaıtqan burynǵy el basshylyǵy arasyndaǵy birden-bir lıder bolyp tabylady dep atap kórsetilgen osy týraly aqparat taratqan Taıland telekanalynyń habarynda. Ngýen Fý Chong basqaratyn top AQSh-pen jaqyndasýdy onsha qalamaıdy jáne óńirdegi Qytaı yqpalynyń ósýin buljymas prosess dep qabyldaıdy.
Soldattar «Asad, Pýtın!» dep urandady
Ar-Rabııa qalasyndaǵy jeńisin toılaǵan Sırııa armııasynyń jaýyngerleri Sırııa jáne Reseı prezıdentteriniń attaryn ataı otyryp, olarǵa qoshemet kórsetý turǵysynda ýralap urandaǵan.
Sırııanyń soltústigindegi Rabııa qalasyn azat etýge qatysýshylar óz tabystaryn Reseı jáne Sırııa halyqtaryna arnaıdy, dep málimdegen «Shól dala lashyndary» otrıadynyń bir jaýyngeri. Dushpandar men terrorshylar atyp túsirgen reseılik ushqysh úshin biz qudaıdyń kómegimen olardyń kózin tolyq joıdyq. Biz úlken jeńiske jettik jáne ony Reseı halqyna jáne Sırııa halqyna, sondaı-aq, osy elderdegi árbir adal jandarǵa arnaımyz dep atap kórsetken ol.
Brıtanııa Eýroodaqtan shyǵa ma?
Ulybrıtanııa eger brıtandyqtar qoldap daýys beretin bolsa, Eýroodaqtan shyǵý prosedýrasyn iske qospaq. Bul týraly koroldiktiń syrtqy ister mınıstri Fılıp Hammond málimdedi.
Sonymen birge, ol referendým nátıjeleri zańdyq turǵydan oryndaýǵa mindetti emes ekenin de atap kórsetken. Degenmen, saıasatkerler azamattardyń qalaýlaryn júzege asyrýǵa májbúr bolady. Brıtanııanyń Eýroodaqqa músheligi týraly referendýmnyń osy jyldyń maýsym aıynda-aq ótýi múmkin. Ol maqsat eger aldaǵy aqpan aıynda London men Brıýssel Eýroodaqty reformalaý týraly kelisimge keler bolsa ǵana oryndalmaq.
Sırııalyq kúrdter kelissózderge shaqyrylmaıdy
Fransııa syrtqy ister mınıstri Loran Fabıýs «Demokratııalyq odaq» atty sırııalyq kúrdter partııasynyń Jenevada ótetin kelissózderge shaqyrylmaıtynyn málimdegen.
Onyń aıtýyna qaraǵanda, bul jóninde oǵan BUU-nyń Sırııa boıynsha arnaıy elshisi Staffan de Mıstýra habarlaǵan. Osynyń aldynda ǵana ol Jeneva qalasynda 29 qańtarda ótetin Sırııadaǵy ahýal boıynsha kelissózderge shaqyrtýlar jiberýdi bastaǵan bolatyn. Aıta ketý kerek, Reseı kúrdterdi Sırııa boıynsha kelissózder men «Islam memleketi» terrorlyq tobynyń sodyrlarymen kúresten shyǵaryp tastaýǵa qarsy.
Kóz ornyna – beınekamera
43 jasar kanadalyq rejısser Rob Spen óziniń kózin alyp tastap, onyń ornyna joǵary tehnologııaly protez – mını-kamera ornatqan.
«Aıborg kózi» magnıtke áser etetin radıojıilikti taratýshymen jabdyqtalǵan kamera beınekórinisterdi jazyp alýǵa qabiletti. Munyń ózi rejısser úshin óte tıimdi bolyp otyr. Ol kameradaǵy jazbalardy jańa robot jasaý úshin paıdalanbaq. Bir ǵana kemshiligi – beınejazý nebári 3 mınýtqa ǵana sozylady. Osy oraıda Rob Spenniń óner úshin qurbandyqqa barmaǵanyn, onyń sonaý bala kezinde-aq bir kózinen soqyr bolyp qalǵanyn aıta ketý qajet.
Qaskóıdiń nıeti júzege aspady
AQSh-tyń Vıskonsın shtatynda Mılýokı qalasynyń turǵyny mason hramyna kelýshilerdi atqylamaq nıette bolǵan.
Quqyq qorǵaý organdarynyń aqparaty boıynsha, federaldyq tergeý bıýrosy qyzmetkerlerine jappaı kisi óltirýge talpynystyń aldyn alýdyń sáti túsken. 23 jasar Samı Mohammed Hamzeh dybys tunshyqtyrǵyshy bar eki avtomatty vıntovka satyp almaq bolǵan jerinde qolǵa túsken. Onyń qylmysty iske barmaq bolǵan oıy telefon arqyly sóılesken kezde málim bolyp qalǵan kórinedi. Ol osylaısha óz atyn búkil álemge tanytpaq bolypty.
Internet materıaldary negizinde ázirlendi.
