Shyǵysqazaqstandyq uıymdar

saılaý naýqanyna belsene qatysýǵa shaqyrdy Shyǵys óńiriniń jurtshylyǵy kezekten tys Parlament Máji­lisi men barlyq deńgeıdegi máslı­hat­tar saılaýlaryna kúlli otandas­tarymen birge biraýyzdan qoldaý kórsetti. Altaı men Alakól ara­­synda jatqan alyp óńirde Elba­sy Jarlyǵyna ún qosýshy­lar qatarynda jekelegen tur­ǵyn­­dar da, qoǵamdyq uıymdar men mekemeler de bar. Máselen, Shy­ǵys Qazaqstan oblystyq kitap­­hanashylar qaýym­dasty­ǵynyń ókilderi memleketke daǵ­darysqa qarsy turý úshin jańa tetik qajettigin aıtady. Iаǵnı, álem­dik daǵdarystyń kúrdeli keze­ń­inde Qazaq­stanǵa Májilis pen más­lıhat syndy saıası ınstıtýt­tardyń qýattana túskeni kerek. – Ekonomıkada qatty kúı­zeliske jol bermeý úshin kásibı deńgeıi joǵary, qandaı jaǵdaıda da ıkemdilik tanyta biletin myqty mamandar kerek. Son­dyq­tan, bul saılaý daǵdarysqa qarsy sharalar men Prezıdenttiń «Nurly Jol» baǵ­dar­lamasynyń júzege asyrylýyn jedel­detedi, – deıdi kitaphanashylar qaýym­dastyǵynyń ókili, oblystyq Pýshkın atyndaǵy kitaphana dırektory Qabıba Aqjigitova. Oblystyq Azamattyq alıans ókilderi de osy oıda. Qazaqstan Azamattyq alıansynyń óńirdegi resmı ókili bolyp tabylatyn oblystyq uıym birqatar úki­mettik emes uıymdardyń basyn birikti­redi. Atalǵan alıans óńir­lik jáne res­pýb­lıkalyq deńgeıde túrli toptar­dyń múdde­leri eskerilgen biryńǵaı stra­te­gııalyq jumystar júrgizetin­digimen erekshelenedi. Uıym múshe­leriniń aıtýynsha, jahan­dyq daǵdarys saldarynyń aldyn alýǵa hám kúrdeli kezeńdi tıim­dilik­pen eńserýde aldaǵy saılaý naý­qany­nyń mańyzy erekshe bolmaq. – Aýqymdy ózgerister dáýiri bas­talyp keledi. Biz oǵan árdaıym ázir bolýymyz tıis. Parla­ment depýtattarynyń bastama­sy 5 ınstıtýttyq reforma aıa­syndaǵy «100 naqty qadam» Ult Josparyn tıimdi júzege asyrýdy kózdeıdi. Biz atalǵan daǵdarysqa qarsy sharalar tóńireginde birge qımyldaýymyz kerek, – dedi Shyǵys Qazaqstan oblysy boıynsha Azamattyq alıansynyń tóraǵasy Oleg Chernyshov. Ol oblystaǵy memlekettik emes sektor jetekshileriniń pikiri kezekten tys saılaýdy ótkizýdi qoldaıtyndyǵyn kórsetkenin, ózge de azamattyq ınstıtýttardy saıası-ekonomıkalyq mańyzy zor naýqanǵa bir kisideı qatysýǵa shaqyratynyn jetkizdi. Bul saıası sharadan óńirdiń etnomádenı birlestikteri de tys qalmaıdy. Oblystyq Dos­tyq úıi – qoǵamdyq kelisim ortalyǵynda ótken dóńge­lek ústelde etnomádenı uıymdar­dyń jetekshileri Prezıdent­tiń Parlament Májilisi­niń 5-shaqyrylymdaǵy depýtat­tardyń ókilettigin toqtatý jáne aǵymdaǵy jyldyń 20 naýry­zyna kezekten tys saılaý ótkizý týraly Jarlyǵyna qatys­ty oı-pikirlerimen bólisti. О́ńir­degi Qazaqstan halqy Assam­bleıa­synyń hatshylyq meńgerýshisi Asqar Nurǵazıev Prezıdent sheshi­miniń zııaly qaýym men ǵylymı ortada, eńbek ujymdarynda, kásip­kerler arasynda úlken qol­daýǵa ıe bolǵandyǵyn, osy oraıda, oblys kóleminde turyp jatqan 110 ulttyń ókili men 14 Dos­tyq úıiniń depýtattar kó­ter­gen bastamaǵa áý bastan qoldaý kórsetkenin aıtty. Memleket basshysynyń ár úndeýi qoǵam tarapynan, sonyń ishinde etnomádenı uıymdar tarapynan úlken qoldaýǵa ıe bolyp keledi. Qazaqstan halqy Assam­­bleıasynyń músheleri men óńir­­degi etnostardyń qoǵamdyq uıym­darynyń jetekshi­leri bul saı­laýdyń el birligi men tu­tas­ty­ǵyn saqtaýǵa jáne arttyrýǵa erek­she úles qosatyndyǵyn atap ótti. – Bul búgingideı almaǵaıyp ýa­qytta der kezinde jáne durys jasalǵan qadam boldy. Son­dyqtan, saılaýdyń el damýyn­daǵy alar ózindik orny bar, – dedi oblystyq orys etnomádenı birlestiginiń jetekshisi Nıkolaı Zaısev. Ol Elbasynyń eldik sózderine árqashan qulaq salyp, odan zamana lebin ańdap otyratynyn, alda barshaǵa syn bolatyn ýaqyt týyp kele jatqanyn, sondyqtan kórpege qaraı kósilip, qarjyny únemdeýdiń, jumys oryndaryn saqtap qalýdyń mańyzdy ekenin atap ótti. – Bizdiń elimiz damýdyń ártúrli aýyr kezeńderin ótkerdi. Biz kóptegen qıyndyqtardy eń­se­rip, jetistikterge jettik. Son­dyq­tan, bul kezeńdi de artqa tas­tap, kózdegen maqsattary­myz­ǵa jetýge degen senimim ká­mil. Sondyqtan, Qazaq­stan­nyń bir­tutas halqy retinde Prezı­den­­timizge árdaıym qoldaý kór­setemiz, – dedi N.Zaısev. Son­­daı-aq, «Vaınah» cheshen-ın­­gýsh etnomádenı birlesti­giniń tóraıymy Tatıana Kager­manova, Qazaqstan halqy Assam­bleıa­synyń múshe­si Leo Shık, slavıan etnomádenı qoǵamy­nyń jetekshisi Aleksandr Iаkovlev pen ózge de etnomádenı birlestikterdiń ókil­deri aldaǵy saıası naýqandy qyzý qoldaı­tyndyqtaryn bildirdi. Jıyn sońynda shyǵysqazaq­stan­dyqtardy saılaýǵa bir kisi­deı qatysýǵa shaqyrǵan ún­deý qabyldandy. Sonymen birge, Qazaqstan halqy Assam­bleıa­sy­nyń múshe­leri, etnomádenı bir­lestikter jetek­shileri men Dos­tyq úıiniń qyzmetkerleri «Úı ishimizben daýys beremiz! Kóshe­mizben daýys beremiz!» atty aksııany bastaýǵa ýaǵdalasty. Dýman ANASh, «Egemen Qazaqstan». О́SKEMEN. Sýretti túsirgen Ǵylymbek SÁBITOV.