Qazaqstan Respýblıkasy Úkimetiniń qaýlysy  №28

2016 jylǵy 27 qańtar, Astana, Úkimet Úıi О́ndirýshilerdiń (ımporttaýshylardyń) keńeıtilgen mindettemelerin iske asyrý qaǵıdalaryn bekitý týraly 2007 jylǵy 9 qańtardaǵy Qazaqstan Respýblıkasynyń Ekologııalyq kodeksi 16-babynyń 4-2) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan О́ndirýshilerdiń (ımporttaýshylardyń) keńeıtilgen mindettemelerin iske asyrý qaǵıdalary bekitilsin. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2016 jylǵy 27 qańtardaǵy №28 qaýlysymen bekitilgen О́ndirýshilerdiń (ımporttaýshylardyń) keńeıtilgen mindettemelerin iske asyrý qaǵıdalary 1. Jalpy erejeler 1. Osy О́ndirýshilerdiń (ımporttaýshylardyń) keńeıtilgen mindettemelerin iske asyrý qaǵıdalary (budan ári – Qaǵıdalar) 2007 jylǵy 9 qańtardaǵy Qazaqstan Respýblıkasynyń Ekologııalyq kodeksi (budan ári – Kodeks) 16-babynyń 4-2) tarmaqshasyna sáıkes ázirlendi jáne óndirýshiler men ımporttaýshylardyń keńeıtilgen mindettemelerdi oryndaý tártibin aıqyndaıdy. 2. Osy Qaǵıdalarda mynadaı negizgi uǵymdar paıdalanylady: 1) óndirýshilerdiń (ımporttaýshylardyń) keńeıtilgen mindettemeleri – óndirýshilerdiń (ımporttaýshylardyń) keńeıtilgen mindettemeleri qoldanylatyn ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy qamtamasyz etý boıynsha ónimdi (taýarlardy) Qazaqstan Respýblıkasynyń aýmaǵynda óndirýdi jáne (nemese) Qazaqstan Respýblıkasynyń aýmaǵyna ákelýdi júzege asyratyn jeke jáne zańdy tulǵalardyń mindettemeleri; 2) tizbe – qorshaǵan ortany qorǵaý salasyndaǵy ýákiletti organ bekitetin óndirýshilerdiń (ımporttaýshylardyń) keńeıtilgen mindettemeleri qoldanylatyn ónimder (taýarlar) tizbesi; 3) ónim (taýarlar) – tizbege qosylǵan ónim (taýarlar); 4) ónim (taýarlar) oramasy – ónimdi (týarlardy) zaqymdalýdan, buzylýdan jáne joǵaltýdan qorǵaýdy qamtamasyz etetin qural nemese quraldar kesheni; 5) shıkizat pen materıaldar – tehnologııalyq prosess arqyly daıyn ónim alý úshin paıdalanylatyn kez kelgen paıdaly qazba, quraýysh, bólshek nemese ózge de taýar; 6) óndirýshiler – ónimdi (taýarlardy) Qazaqstan Respýblıkasynyń aýmaǵynda óndirýdi júzege asyratyn jeke jáne zańdy tulǵalar; 7) ımporttaýshylar – ónimdi (taýarlardy) Qazaqstan Respýblıkasynyń aýmaǵyna ákelýdi júzege asyratyn jeke jáne zańdy tulǵalar; 8) óndirýshilerdiń (ımporttaýshylardyń) keńeıtilgen mindettemeleriniń operatory – (budan ári – operator) – óndirýshilerdiń (ımporttaýshylardyń) keńeıtilgen mindettemeleri qoldanylatyn ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy uıymdastyrýdy júzege asyratyn, Qazaqstan Respýblıkasynyń Úkimeti aıqyndaıtyn zańdy tulǵa; 9) qaldyqtar jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy uıymdastyrý úshin tólemaqy (budan ári – tólemaqy) – óndirý­shilerdiń (ımporttaýshylardyń) keńeıtilgen mindettemeleri operatoryna óndirýshilerdiń (ımport­taýshylardyń) keńeıtilgen mindettemeleri qoldanylatyn ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy uıymdastyrǵany úshin óndirýshiler (ımporttaýshylar) júzege asyratyn tólemaqy; 10) óndirýshilerdiń (ımporttaýshylardyń) keńeıtilgen mindettemeleri qoldanylatyn ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy uıymdastyrý týraly shart (budan ári – shart) óndirýshilerdiń (ımporttaýshylardyń) keńeıtilgen mindettemeleri qoldanylatyn ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy uıymdastyrý týraly úlgilik shart negizinde operator men óndirýshilerdiń (ımporttaýshylardyń) arasynda jasalatyn shart; 11) mamandandyrylǵan uıymdar – ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaý, tasymaldaý, qaıta óńdeý, zalalsyzdandyrý, paıdalaný jáne (nemese) kádege jaratý jónindegi qyzmetterdiń bir nemese birneshe túrin júzege asyratyn dara kásipkerler jáne zańdy tulǵalar; 12) tólemaqynyń tolyqtyǵy týraly qujat – aqparat elektrondyq sıfrlyq nysanda berilgen jáne elektrondyq sıfrlyq qoltańbamen kýálandyrylǵan, óndirýshilerdiń (ımporttaýshylardyń) keńeıtilgen mindettemelerin oryndaý maqsatynda tólemaqynyń tolyq kólemde tólenýin rastaıtyn qujat. Osy Qaǵıdalarda paıdalanylatyn ózge de uǵymdar men anyqtamalar Qazaqstan Respýblıkasynyń zańnamasyna sáıkes qoldanylady. 3. О́ndirýshilerdiń (ımporttaýshylardyń) keńeıtilgen mindettemeleri jónindegi talaptar Kodekstiń 285-1-babynyń 2-tarmaǵynda kórsetilgen óndirýshilerge (ımporttaýshylarǵa) qoldanylmaıdy. 4. О́ndirýshiler (ımporttaýshylar) óndirýshilerdiń (ımporttaýshylardyń) keńeıtilgen mindettemeleri qoldanylatyn ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy mynadaı tásilderdiń birimen qamtamasyz etedi: 1) qoıylatyn talaptardy qorshaǵan ortany qorǵaý salasyndaǵy ýákiletti organ aıqyndaıtyn qaldyqtardy jınaýdyń, qaıta óńdeýdiń jáne kádege jaratýdyń menshikti júıesin (budan ári – menshikti jınaý júıesi) qoldaný. Qaldyqtardy jınaýdyń, qaıta óńdeýdiń jáne kádege jaratýdyń menshikti júıesin qoldaný jónindegi talaptar avtomobıl kólik quraldaryn óndirýshilerge jáne ımporttaýshylarǵa qoldanylmaıdy; 2) operatormen shart jasasý jáne operatordyń bank shotyna tólemaqy túrinde aqsha engizý. 5. Tólemaqyny operatormen shart jasasqan óndirýshiler (ımporttaýshylar) júrgizedi. 6. Tólemaqy qorshaǵan ortany qorǵaý salasyndaǵy ýákiletti organ bekitetin tólemaqyny esepteý ádistemesiniń negizinde esepteledi. Tólemaqyny óndirýshiler men ımporttaýshylar operatordyń esep shotyna Qazaqstan Respýblıkasynyń valıýtasynda tóleıdi. Esep shot týraly aqparat operatordyń ınternet-resýrsynda ornalastyrylady. 7. Tólemaqy osy Qaǵıdalar kúshine engen kúnge deıin Qazaqstan Respýblıkasynyń aýmaǵynda óndirilgen jáne Qazaqstan Respýblıkasynyń aýmaǵyna ákelingen, sonyń ishinde ishki tutyný úshin shyǵarý kedendik rásimine qoıylǵan ónimge (taýarlarǵa) qatysty tólenbeıdi. 8. О́ndirýshilerdiń (ımporttaýshylardyń) keńeıtilgen mindettemeleri: 1) Operatormen shart jasasqan óndirýshiler (ımporttaýshylar) úshin – tólemaqy engizgen sátten bastap; 2) menshikti jınaý júıesin qoldanatyn óndirýshiler (ımporttaýshylar) úshin – ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy kádege jaratýdy oryndaý týraly eseptilik usynǵan jáne derekterdi operator rastaǵan kúnnen bastap oryndaldy dep esepteledi. 2. О́ndirýshilerdiń (ımporttaýshylardyń) keńeıtilgen mindettemeleri qoldanylatyn ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy uıymdastyrý jónindegi mindettemelerdi oryndaý tártibi 1. Qaldyqtardy tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy uıymdastyrý týraly shart jasasý tártibi 9. О́ndirýshilerdiń (ımporttaýshylardyń) keńeıtilgen mindettemeleri qoldanylatyn ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy uıymdastyrý maqsatynda operator men óndirýshiler (ımporttaýshylar) arasynda shart jasalady. 10. О́nimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy uıymdastyrý týraly sharttyń úlgilik nysanyn operator bekitedi. 11. Shart uzartý múmkindigimen jasalady. Shartta óndirýshilerdiń (ımporttaýshylardyń) keńeıtilgen mindettemeleri qoldanylatyn ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaý, tasymaldaý, qaıta óńdeý, zalalsyzdandyrý, paıdalaný jáne (nemese) kádege jaratý boıynsha is-sharalar kórsetiledi. 2. Operatordyń bank shotyna tólemaqy retinde aqsha salý tártibi 12. Avtokólik quraldaryn óndirý kezinde paıdalanylatyn shıkizat pen materıaldardy ımporttaýshylardy qospaǵanda, Qazaqstan Respýblıkasynyń aýmaǵyna tizbege sáıkes ónim (taýarlar) ákelýdi júzege asyratyn ımporttaýshylardyń keńeıtilgen mindettemelerin iske asyrýy mynadaı kezeńderdi qamtıdy: 1) tólemaqynyń tóleýge jatatyn somasy jóninde aqparat alý úshin ınternet-resýrs arqyly nemese qaǵaz tasyǵyshta ótinim beriledi. Tólemaqy tóleý qajet bolmaǵan jaǵdaıda operator bul týraly ótinish berýshini habardar etedi; 2) operator tólemaqyny qorshaǵan ortany qorǵaý salasyndaǵy ýákiletti organ bekitken tólemaqyny esepteý ádistemesiniń negizinde esepteıdi; 3) ımporttaýshynyń tólemaqyny tóleýdi júrgizýi; 4) tólemaqy eseptik shotyna kelip túsken sátten bastap úsh jumys kúni ishinde operator tólemaqynyń tolyqtyǵy týraly qujatty usynady. 13. Avtokólik quraldaryn ımporttaýshylardy jáne avtokólik quraldaryn óndirý kezinde paıdalanylatyn shıkizat pen materıaldardy ımporttaýshylardy qospaǵanda, tólemaqynyń tóleýge jatatyn somasy jónindegi aqparatty alýǵa arnalǵan ótinimge mynadaı qujattar qosa beriledi: 1) shot-faktýra (ınvoıs); 2) orama paraǵy; 3) kólik júkqujattary; 4) ónimniń pasporttary (jasaýshy zaýyt bergen, bar bolsa). 14. Avtokólik quraldaryn jáne avtokólik quraldaryn óndirý kezinde paıdalanylatyn shıkizat pen materıaldardy qospaǵanda, Eýrazııalyq ekonomıkalyq odaqqa múshe memleketterdiń aýmaǵynan Qazaqstan Respýblıkasynyń aýmaǵyna ákelingen ónim (taýarlar) úshin tólemaqyny esepteý jáne ákelýdi rastaý úshin qajetti qosymsha qujattar mynalar bolyp tabylady: 1) taýarlardy ákelý jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) sáıkes janama salyqtardy tóleý týraly ótinish; 2) Qazaqstan Respýblıkasy Ulttyq qaýipsizdik komıteti Shekara qyzmetiniń aýmaqtyq bólimsheleri beretin Memlekettik baqylaýdan ótkeni týraly talon; 3) halyqaralyq tasymaldaýdy rastaıtyn «CMR» (halyqaralyq taýar-kólik júkqujaty) (budan ári – «CMR») jáne (nemese) Eýrazııalyq ekonomıkalyq odaqqa múshe memlekettiń aýmaǵynan Qazaqstan Respýblıkasynyń aýmaǵyna taýarlardyń ornyn aýystyrǵanyn rastaıtyn ózge de qujattar. 15. Avtokólik quraldaryn jáne avtokólik quraldaryn óndirý kezinde paıdalanylatyn shıkizat pen materıaldardy qospaǵanda, Qazaqstan Respýblıkasynyń aýmaǵyna Eýrazııalyq ekonomıkalyq odaqtyń músheleri bolyp tabylmaıtyn memleketterdiń aýmaǵynan ákelingen ónim (taýarlar) úshin tólemaqyny esepteý jáne ákelýdi rastaý úshin qajetti qosymsha qujattar mynalar bolyp tabylady: 1) taýar júkqujaty; 2) Eýrazııalyq ekonomıkalyq odaqqa múshe memleketterdiń keden zańnamasyna jáne keden isi salasyndaǵy ulttyq zańnamaǵa sáıkes resimdelgen kedendik deklarasııa. 16. Tólemaqyny ımporttaýshylar, óndirýshiler jasalǵan shart negizinde júrgizedi. 17. О́ndirýshilerdiń, ımporttaýshylardyń qaldyqtardy jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy uıymdastyrǵany úshin tólemaqyny durys esepteýin, tolyq jáne ýaqtyly aýdarýyn baqylaýdy operator júzege asyrady. 18. Avtokólik quraldaryn óndirýshilerdi (ımporttaýshylardy) qospaǵanda, osy Qaǵıdalardyń 16-tarmaǵyna sáıkes operatormen shart jasasqan óndirýshiler (ımporttaýshylar) tólemaqyny mynadaı merzimderde júzege asyrady: 1) óndirýshiler tólemaqyny kórsetilgen kezeńde óndiris bolǵan kezde toqsan saıyn, esepti toqsannan keıingi aıdyń 25-kúninen keshiktirmeı júzege asyrady; 2) ımporttaýshylar Eýrazııalyq ekonomıkalyq odaqqa múshe bolyp tabylmaıtyn memleketterden ákelingen ónim (taýarlar) úshin tólemaqyny «ishki tutyný úshin shyǵarý» kedendik rásimine qoıǵanǵa deıin júzege asyrady; 3) ımporttaýshylar Qazaqstan Respýblıkasynyń aýmaǵyna Eýrazııalyq ekonomıkalyq odaqqa múshe memleketterdiń aýmaǵynan ákelingen ónim (taýarlar) úshin tólemaqyny osyndaı ónim (taýar) ótkizilgen kezge deıin júzege asyrady. 19. Tólemaqy somasyn esepteýdiń durystyǵyn tekserýdi operator aqparatty alǵan kúnnen bastap jıyrma jumys kúni ishinde júzege asyrady. 3. Avtokólik quraldaryn óndirýshilerdiń (ımporttaýshylardyń) keńeıtilgen mindettemelerdi oryndaý erekshelikteri 20. О́ndirýshiler (ımporttaýshylar) avtokólik quraldaryna qatysty tólemaqyny avtokólik quraly Qazaqstan Respýblıkasynyń jol júrisi týraly zańnamasyna sáıkes bastapqy tirkelgenge deıin engizedi. О́ndirýshiler (ımporttaýshylar) avtokólik quraldaryn bastapqy tirkelgenge deıin ótkizgen jaǵdaıda, tólemaqy osyndaı avtokólik quraldary ótkizilgenge deıin júrgiziledi. 21. Operator tólemaqyny eseptik shotqa engizgennen keıin avtokólik quraldarynyń óndirýshilerine (ımporttaýshylaryna) beretin, sáıkestendirý nómiri (Vehicle Identification Number) (budan ári ‒ VIN kod) kórsetilgen tólemaqynyń tolyqtyǵy týraly qujat óndirýshilerdiń (ımporttaýshylardyń) keńeıtilgen mindettemelerdi oryndaǵanyn rastaıtyn qujat bolyp tabylady. 22. О́ndirýshilerdiń (ımporttaýshylardyń) keńeıtilgen mindettemelerdi oryndaǵanyn rastaıtyn qujat bolǵan kezde, avtokólik quralyn bastapqy tirkeýdi jol júrisi qaýipsizdigin qamtamasyz etý jónindegi ýákiletti organ júzege asyrady. 23. Tólemaqy engizilgen kezden bastap avtokólik quraldaryn óndirýshilerdiń (ımporttaý­shylardyń) keńeıtilgen mindettemeleri oryndaldy dep esepteledi, al osyndaı kólik quraldaryń tutynýshylyq qasıetteri joǵalǵannan keıin paıda bolǵan qaldyqtardy jınaýdy, tasymaldaýdy, qaıta óńdeýdi, zalalsyzdandyrýdy, paıdalanýdy jáne (nemese) kádege jaratýdy qamtamasyz etý boıynsha mindettemeler operatorǵa aýysady. 24. Osy Qaǵıdalardyń 7-tarmaǵynda kórsetilgen avtokólik quraldaryn tólemaqyny júzege asyrmaı memlekettik tirkeý esebine alý úshin olardyń shyǵarylǵan nemese ákelingen kúnin rastaıtyn qujattar mynalar bolyp tabylady: 1) Qazaqstan Respýblıkasynda shyǵarylǵandar úshin – tómende sanamalanǵan qujattardyń kez kelgeni: erkin qoımadan shyǵarý kezindegi kedendik deklarasııa; ónimniń shyǵarylǵanyn rastaıtyn kólik quralynyń pasporty; 2) Qazaqstan Respýblıkasyna Eýrazııalyq ekonomıkalyq odaqqa múshe bolyp tabylmaıtyn memleketterden ákelingender úshin – taýarlarǵa deklarasııa; 3) Qazaqstan Respýblıkasyna Eýrazııalyq ekonomıkalyq odaqqa múshe memleketterdiń aýmaǵynan ákelingender úshin – salyq zańnamasyna sáıkes mynadaı qujattardyń biri qosa berilgen «Qazaqstan Respýblıkasy Ulttyq qaýipsizdik komıteti Shekara qyzmetiniń aýmaqtyq bólimsheleri beretin memlekettik baqylaýdan ótkeni týraly talon» (kórsetilgen talonnyń rastalmaǵan kóshirmesine jol beriledi): Eýrazııalyq ekonomıkalyq odaqqa múshe eldiń eksporttaýshysynan Qazaqstan Respýblıkasyndaǵy ımporttaýshyǵa berýdi rastaıtyn, beriletin avtokólik quraldarynyń sáıkestendirý nómirleri (VIN kodtary) kórsetilgen qabyldaý-tapsyrý aktisi; ákelinetin avtomobılderdiń sáıkestendirý nómirleri (VIN kodtary) kórsetilgen «kólik júkqujaty»; halyqaralyq tasymaldaýdy rastaıtyn, ákelinetin avtokólik quraldarynyń sáıkestendirý nómirleri (VIN kodtary) kórsetilgen «CMR» halyqaralyq taýar-kólik júkqujaty. 25. Avtokólik quraldaryn óndirý úshin shıkizat pen materıaldar retinde paıdalanylatyn ónim (taýar) úshin tólemaqyny kólik quraldaryn óndirýshi túpkilikti taýar úshin tólemaqy túrinde tóleıdi. 3. Operatordyń mamandandyrylǵan uıymdarmen ózara is-qımyl jasaý tártibi 26. Operator óndirýshilerdiń (ımporttaýshylardyń) keńeıtilgen mindettemelerin iske asyrý maqsatynda mamandandyrylǵan uıymdarmen shart jasasady. 27. Mamandandyrylǵan uıymdar bólek jınaý jáne qaıta óńdeý shyǵyndarynyń ótemaqysyn alý úshin operatorǵa esepti toqsannan keıingi aıdyń 10-kúninen keshiktirmeı mynadaı qujattardy usynady: 1) ótemaqy alýǵa arnalǵan erkin nysandaǵy ótinish; 2) taýar-kólik júkqujattarynyń kúnderi men nómirlerin, júk alýshylardy jáne olar boıynsha berilgen qaldyqtardyń mólsherin (tonna, birlik) kórsete otyryp, ónim (taýarlar) qaldyqtaryn jáne olardyń oramasyn Qazaqstan Respýblıkasynyń aýmaǵyna árbir qaldyq túri boıynsha jeke odan ári zalalsyzdandyrý jáne (nemese) kádege jaratý úshin berýge arnalǵan taýar-kólik júkqujattarynyń tizimdemesi; 3) ónim (taýarlar) qaldyqtaryn jáne olardyń oramasyn Qazaqstan Respýblıkasynyń aýmaǵyna odan ári zalalsyzdandyrý jáne (nemese) kádege jaratý úshin berýge arnalǵan taýar-kólik júkqujattarynyń kóshirmeleri; 4) zańdy tulǵanyń (dara kásipkerdiń) ónim (taýarlar) qaldyqtaryn jáne tutyný qaldyqtarynan olardyń oramasyn jınaýdy (qaıta óńdeýdi) esepke alý derekteri; 5) operator belgilegen nysan boıynsha qaldyqtardy bólek jınaý jáne qaıta óńdeý boıynsha shyǵystardy óteýge bólinetin qarajat somasynyń eseptemesi; 6) qaldyqtardy bólek jınaý jáne qaıta óńdeý boıynsha shyǵystardy óteý kórsetilgen qaldyqtar Qazaqstan Respýblıkasynyń aýmaǵynda zalalsyzdandyrý jáne kádege jaratý boıynsha menshikti óndiristik qýattarda zalalsyzdandyrý jáne (nemese) kádege jaratý úshin berilgen jaǵdaıda júrgiziledi; 7) ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn bólek jınaýǵa jáne qaıta óńdeýge baılanysty shyǵyndardy rastaıtyn qujattar. 28. Osy Qaǵıdalardyń 27-tarmaǵynda kórsetilgen qujattardyń tolyqtyǵyn operator osy qujattar usynylǵan kúnnen bastap 5 jumys kúni ishinde tekseredi. Tolyq emes qujattar paketi usynylǵan jaǵdaıda operator ótemaqydan bas tartady. 29. Mamandandyrylǵan uıymdardyń operatordan ótemaqy alý maqsatynda esepti kezeń bir toqsan bolyp tabylady. 30. Qaldyqtardy bólek jınaýǵa jáne qaıta óńdeýge baılanysty tikeleı shyǵyndar ǵana óteýge jatady, olar mynalarǵa: 1) «Býhgalterlik esep jáne qarjylyq eseptilik týraly» Qazaqstan Respýblıkasynyń Zańyna sáıkes bastapqy esepke alý qujattaryna; 2) kórsetilgen qaldyqtardy Qazaqstan Respýblıkasynyń aýmaǵynda zalalsyzdandyrý jáne (nemese) kádege jaratý úshin bergen jaǵdaıda óndirýshilerdiń (ımporttaýshylardyń) keńeıtilgen mindettemeleri oǵan (olarǵa) taralatyn ónim (taýarlar) tutynýshylyq qasıetterinen aıyrylǵannan keıin túziletin qaldyqtar jáne olardyń oramasy túrleriniń bólinisindegi shyǵyndar jónindegi derekterge, osyndaı tikeleı shyǵyndardyń qaıta óńdelgen, paıdalanylǵan jáne kádege jaratylǵan qaldyqtardy ótkizýden alynǵan tıisti kiristerden artyq bolý somasyna negizdeledi. 31. Tikeleı shyǵyndar men tıisti tabystar halyqaralyq qarjylyq eseptilik standarttaryna sáıkes qarjylyq eseptilikte usynylady. 32. Mamandandyrylǵan uıymdardyń qaldyqtardy bólek jınaý jáne qaıta óńdeý boıynsha shyǵystaryn (amortızasııa boıynsha shyǵyndardy qospaǵanda) óteý: 1) mamandandyrylǵan uıymdar tóleıtin qarajat esebinen, eldi mekenderde qatty turmystyq qaldyqtardy jınaý jáne áketý boıynsha tarıfter esebinen aqtalatyn; 2) Qazaqstan Respýblıkasynyń aýmaǵynda qaldyqtardy kádege jaratý boıynsha menshikti óndiristik qýattarda odan ári zalalsyzdandyrylmaǵan jáne kádege jaratylmaǵan qaldyqtarǵa qatysty júrgizilmeıdi. 33. Operator óziniń banktik shotyna kelip túsken aqshany Kodekstiń 285-2-babynda kózdelgen maqsattarǵa baǵyttaıdy. 4. Operatordyń ýákiletti organdarmen, aýdandardyń, oblystyq jáne respýblıkalyq mańyzy bar qalalardyń, astananyń kommýnaldyq sharýashylyq salasyndaǵy jergilikti atqarýshy organdarymen ózara is-qımyl jasaý tártibi 34. Qazaqstan Respýblıkasynyń memlekettik kirister organdary toqsan saıynǵy negizde qorshaǵan ortany qorǵaý salasyndaǵy ýákiletti organnyń suraý salýy boıynsha Qazaqstan Respýblıkasynyń aýmaǵyna ákelingen, ımporttaýshylardyń keńeıtilgen mindettemeleri oǵan (olarǵa) taralatyn ónim (taýarlar) jáne onyń (olardyń) oramasy týraly málimetterdi Qazaqstan Respýblıkasynyń zańnamasyna sáıkes joldaıdy. 35. Memlekettik kiris organdary qorshaǵan ortany qorǵaý salasyndaǵy ýákiletti organǵa joldaıtyn málimetter mynadaı aqparatty qamtıdy: 1) óndirýshiniń nemese ımporttaýshynyń ataýy, bıznes sáıkestendirý nómiri/jeke sáıkestendirý nómiri; 2) is júzindegi jáne zańdy mekenjaıy, baılanys derekteri (telefony, elektrondyq poshtasynyń mekenjaıy); 3) óndirýshilerdiń, ımporttaýshylardyń keńeıtilgen mindettemeleri oǵan (olarǵa) taralatyn ónim (taýarlar) ataýy jáne kody; 4) óndirýshilerdiń, ımporttaýshylardyń keńeıtilgen mindettemeleri oǵan (olarǵa) taralatyn ónimdi (taýarlardy) Qazaqstan Respýblıkasyna ákelý kúni; 5) óndirýshilerdiń, ımporttaýshylardyń keńeıtilgen mindettemeleri oǵan (olarǵa) taralatyn ónim (taýarlar) oramasynyń ataýy jáne kody; 6) óndirýshilerdiń, ımporttaýshylardyń keńeıtilgen mindettemeleri oǵan (olarǵa) taralatyn ónimniń (taýarlardyń) netto jáne brýtto salmaǵy; 7) júrgizilgen tólemaqy somasy jáne kúni. 36. О́ndirýshiniń, ımporttaýshynyń keńeıtilgen mindettemelerin iske asyrý maqsatynda operator qorshaǵan ortany qorǵaý salasyndaǵy ýákiletti organnan osy Qaǵıdalardyń 35-tarmaǵynda kórsetilgen málimetterdi Qazaqstan Respýblıkasynyń memlekettik kirister organdarynan aqparat alǵan kezden bastap kúntizbelik 30 kún ishinde alady. 37. Olar boıynsha is júrgizý Qazaqstan Respýblıkasynyń zańnamasyna sáıkes qorshaǵan ortany qorǵaý salasyndaǵy ýákiletti organnyń quzyretine jatqyzylǵan ákimshilik quqyq buzýshylyq belgileri bar áreketter anyqtalǵan kezde operator osyndaı quqyq buzýshylyq boıynsha bar materıaldardy qorshaǵan ortany qorǵaý salasyndaǵy ýákiletti organǵa beredi. 38. Operator jyl saıyn esepti jyldan keıingi árbir jyldyń 1 mamyryna deıin qorshaǵan ortany qorǵaý salasyndaǵy ýákiletti organǵa óndirýshilerdiń (ımporttaýshylardyń) keńeıtilgen mindettemeleriniń iske asyrylý barysy týraly esep usynady. 39. Qorshaǵan ortany qorǵaý salasyndaǵy ýákiletti organǵa operator usynatyn esep mynalardy qamtıdy: 1) óndirýshi, ımporttaýshy týraly jalpy málimetter (zańdy tulǵanyń tolyq jáne qysqartylǵan ataýy/dara kásipkerdiń tegi, aty jáne ákesiniń aty, bıznes sáıkestendirý nómiri/jeke sáıkestendirý nómiri, is júzindegi jáne zańdy mekenjaıy, telefon nómirleri jáne elektrondyq poshtasynyń mekenjaıy (bar bolsa); 2) Qazaqstan Respýblıkasynyń aýmaǵyna ishki tutyný úshin shyǵarylǵan (ákelingen), óndirýshilerdiń (ımporttaýshylardyń) keńeıtilgen mindettemeleri qoldanylatyn ónim (taýarlar) jáne onyń (olardyń) oramasy týraly derekter; 3) kádege jaratýǵa jatatyn qaldyqtardyń kólemi týraly málimetter (qaldyqtar quramyndaǵy árbir quraýysh bóliginde) jáne is júzinde oryndalǵan kólem kórsetkishi; 4) óndirýshilerdiń (ımporttaýshylardyń) keńeıtilgen mindettemeleri qoldanylatyn ónimniń (taýarlardyń) tutynýshylyq qasıetteri joǵalǵannan keıin paıda bolǵan qaldyqtardy jáne onyń (olardyń) oramasyn jınaý, tasymaldaý, qaıta óńdeý, zalalsyzdandyrý, paıdalaný jáne (nemese) kádege jaratý boıynsha júrgizilgen jumys týraly málimetter; 5) óndirýshilerdiń (ımporttaýshylardyń) keńeıtilgen mindettemeleri qoldanylatyn ónimdi (taýarlardy) paıdalanýdan qalǵan qaldyqtar jáne onyń (olardyń) oramasy esepti kezeńde berilgen zańdy tulǵalar, dara kásipkerler týraly málimetter. 40. Aýdandardyń, oblystyq jáne respýblıkalyq mańyzy bar qalalardyń, astananyń kommýnaldyq sharýashylyq salasyndaǵy jergilikti atqarýshy organdary operatormen birlesip, qaldyqtardy jınaý, áketý, zalalsyzdandyrý, qaıta óńdeý jáne kádege jaratý boıynsha operasııalardy júzege asyratyn sýbektiler arasyndaǵy tarıfterdiń mólsheri jáne olardy bólý tártibin aıqyndaıdy. 41. Aýdandardyń, oblystyq jáne respýblıkalyq mańyzy bar qalalardyń, astananyń kommýnaldyq sharýashylyq salasyndaǵy jergilikti atqarýshy organdary qaldyqtardy jınaý, tasymaldaý, qaıta óńdeý, zalalsyzdandyrý, paıdalaný jáne (nemese) kádege jaratý boıynsha operasııalardy júzege asyratyn sýbektiler arasynda tarıfterdiń mólsheri jáne olardy bólý tártibin ózgertý qajet bolǵan jaǵdaıda týyndaǵan jaǵdaıda quramyna operator kiretin jumys tobyn qurady. 42. Jumys toby bir aı merzimde aýdandardyń, oblystyq mańyzy bar qalalardyń, astananyń jergilikti ókiletti organdaryna qaldyqtardy jınaý, áketý, zalalsyzdandyrý, qaıta óńdeý jáne kádege jaratý tarıfiniń ózgertilgen mólsherin bekitýge usynady. 43. Avtokólik quraldaryn óndirýshilerdi qospaǵanda, óndirýshiler esepti jyldan keıingi árbir jyldyń 1 naýryzynan keshiktirmeı qorshaǵan ortany qorǵaý salasyndaǵy ýákiletti organǵa ótken kúntizbelik jyl ishinde Qazaqstan Respýblıkasynyń aýmaǵynda aınalymǵa shyǵarylǵan ónimniń (taýarlardyń), onyń ishinde osyndaı ónim (taýarlar) oramasynyń sany týraly aqparatty usynady. 44. Qorshaǵan ortany qorǵaý salasyndaǵy ýákiletti organ osy Qaǵıdalardyń 43-tarmaǵynda kórsetilgen aqparatty operatorǵa esepti jyldan keıingi árbir jyldyń 1 sáýirinen keshiktirmeı beredi.