Respýblıkalyq bıýdjettiń atqarylýyn baqylaý jónindegi Esep komıtetiniń normatıvtik qaýlysy №14-NQ

2015 jylǵy 28 qarasha, Astana qalasy Syrtqy memlekettik aýdıttiń jáne qarjylyq baqylaýdyń rásimdik standarttaryn ázirleý men bekitý qaǵıdalaryn bekitý týraly «Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańynyń 8-baby 2-tarmaǵynyń 2) tarmaqshasyna sáıkes Respýblıkalyq bıýdjettiń atqarylýyn baqylaý jónindegi esep komıteti (budan ári – Esep komıteti) qaýly etedi: 1. Qosa berilip otyrǵan Syrtqy memlekettik aýdıttiń jáne qarjylyq baqylaýdyń rásimdik standarttaryn ázirleý men bekitý qaǵıdalary bekitilsin. 2. Zań bólimi zańnamada belgilengen tártippen: 1) osy normatıvtik qaýlynyń Qazaqstan Respýblıkasynyń Ádilet mınıstrliginde memlekettik tirkelýin; 2) osy normatıvtik qaýly Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin; 3) osy normatıvtik qaýlynyń Esep komıtetiniń ınternet-resýrsyna ornalastyrylýyn qamtamasyz etsin. 3. Osy qaýlynyń oryndalýyn baqylaý Esep komıtetiniń apparat basshysyna júktelsin. 4. Osy normatıvtik qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Tóraǵa Q.JAŃBYRShIN. Respýblıkalyq bıýdjettiń atqarylýyn baqylaý jónindegi Esep komıtetiniń 2015 jylǵy 28 qarashadaǵy № 14-NQ normatıvtik qaýlysymen bekitilgen Syrtqy memlekettik aýdıttiń jáne qarjylyq baqylaýdyń rásimdik standarttaryn ázirleý men bekitý qaǵıdalary 1. Jalpy erejeler 1. Osy Syrtqy memlekettik aýdıttiń jáne qarjylyq baqylaýdyń rásimdik standarttaryn ázirleý men bekitýdiń qaǵıdalary (budan ári – Qaǵıdalar) «Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańynyń 8-baby 2-tarmaǵynyń 2) tarmaqshasyna sáıkes ázirlendi jáne syrtqy memlekettik aýdıttiń jáne qarjylyq baqylaýdyń rásimdik standarttaryn ázirleý men bekitý tártibin aıqyndaıdy. 2. Osy Qaǵıdalarda mynadaı uǵymdar paıdalanylady: 1) rásimdik standarttardyń synyptamasy – rásimdik standarttardy kodıfıkasııalaýdyń qurylymdanǵan júıesi; 2) syrtqy memlekettik aýdıttiń jáne qarjylyq baqylaýdyń rásimdik standarttary (budan ári – rásimdik standarttar) – syrtqy memlekettik aýdıtti jáne qarjylyq baqylaýdy júrgizýge (rásimderine, tetikteri men ádisterine) jáne syrtqy memlekettik aýdıt jáne qarjylyq baqylaý organdarynyń qyzmetine qoıylatyn rásimdik talaptardan turatyn qujattar. 2. Rásimdik standarttardy ázirleý men bekitý tártibi 3. Syrtqy memlekettik aýdıt jáne qarjylyq baqylaý organdaryna arnalǵan rásimdik standarttar mynalar eskerile otyryp ázirlenedi: 1) olardy ázirleýge qoıylǵan maqsattarǵa sáıkestigi; 2) olarda jazylǵan erejelerdi bir maǵynada túsiný; 3) olardyń erejelerin jazýdyń dáıektiligi men tutastyǵy; 4) ózi reglamentteıtin mándi tolyqqandy qamtý; 5) syrtqy memlekettik aýdıt jáne qarjylyq baqylaý organdarynyń buryn qabyldaǵan quqyqtyq (ádisnamalyq) qujattarymen ózara baılanysyn jáne kelisilýin qamtamasyz etý, olardyń erejeleriniń qaıtalanýyna jol bermeý; 6) olardyń erejeleriniń oryndalý sapasyn obektıvti baǵalaý múmkindigin qamtamasyz etý; 7) barlyq rásimdik standarttarda biryńǵaı termınologııany qoldaný jáne olardyń birdeı túsindirilýi. 4. Rásimdik standarttardy ázirleý kezinde Memlekettik aýdıt jáne qarjylyq baqylaý standarttary (budan ári – Standarttar) men memlekettik aýdıt jáne qarjylyq baqylaý júrgizýdi reglamentteıtin normatıvtik quqyqtyq aktiler, Halyqaralyq joǵary aýdıt organdarynyń uıymy (INTOSAI) qabyldaǵan joǵary aýdıt organdarynyń halyqaralyq standarttarynyń (ISSAI) jáne aýdıt salasyndaǵy basqa da halyqaralyq standarttardyń (budan ári – halyqaralyq standarttar) qolaıly talaptary eskeriledi. 5. Rásimdik standarttardy ázirleý memlekettik aýdıtti jáne qarjylyq baqylaýdy júrgizýdiń qaǵıdattaryn, rásimderin, tetikteri men ádisterin, nátıjelerin resimdeýdi, syrtqy memlekettik aýdıt jáne qarjylyq baqylaý organdary qyzmetteriniń baǵyttaryna qaraı is-sharalardy aıqyndaýdy kózdeıdi. 6. Esep komıteti rásimdik standarttardy ázirlemesten buryn olardyń tizbesin, olardy ázirleý merzimderin, jaýapty oryndaýshylardy qalyptastyrady. Qajet bolǵan jaǵdaıda, rásimdik standarttyń taǵaıyndalýyna qaraı, Esep komıteti ony ázirleý úshin syrtqy memlekettik aýdıt jáne qarjylyq baqylaý organdarynyń, múddeli memlekettik organdardyń, qoǵamdyq aýdıtorlyq jáne halyqaralyq uıymdardyń, ǵylymı mekemelerdiń ókilderinen turatyn jumys tobyn qurady. 7. Rásimdik standarttardyń tizbesin qalyptastyrý nemese oǵan kezekti josparlanǵan kezeńge arnalǵan ózgerister jáne (nemese) tolyqtyrýlar engizý kezinde: 1) Qazaqstan Respýblıkasynyń zańnamasyndaǵy ózgerister; 2) rásimdik standarttardy ózekti etýdiń qajettiligine baılanysty, olardy is júzinde iske asyrý kezinde týyndaıtyn máseleler; 3) halyqaralyq standarttarǵa ózgerister; 4) Esep komıtetiniń músheleri men qurylymdyq bólimsheleriniń usynystary; 5) oblystardyń, respýblıkalyq mańyzy bar qalalardyń, astananyń tekserý komıssııalarynyń (budan ári – tekserý komıssııasy) usynystary eskeriledi. 8. Rásimdik standarttardyń tizbesi boıynsha usynystar josparlanǵan kezeńniń aldyndaǵy jyldyń 15 qazanynan keshiktirilmeı, Esep komıtetiniń ádisnamalyq qamtamasyz etýge jaýapty qurylymdyq bólimshesine usynylady. 9. Rásimdik standarttardyń tizbesi Esep komıtetiniń Ǵylymı-ádisnamalyq keńesiniń otyrysynda qaralýǵa jáne maquldanýǵa jatady. 10. Rásimdik standarttar osy Qaǵıdalarǵa qosymshaǵa sáıkes Syrtqy memlekettik aýdıttiń jáne qarjylyq baqylaýdyń rásimdik standarttarynyń synyptamasy (budan ári – Synyptamasy) eskerile otyryp ázirlenedi. 11. Rásimdik standarttyń qurylymy mynadaı bolady: 1) reglamentteıtin parametrler; 2) jalpy erejeler; 3) taqyryptyq jáne basqa da bólimder (qajet bolǵan jaǵdaıda); 4) qosymshalar (qajet bolǵan jaǵdaıda). 12. Reglamentteıtin parametrler rásimdik standartty bekitetin Esep komıtetiniń normatıvtik quqyqtyq aktisiniń derektemelerinen, Synyptamaǵa sáıkes kodtan jáne rásimdik standarttyń ataýynan turady. «Jalpy erejeler» degen bólimde rásimdik standarttyń maqsattary men mindetteri, taǵaıyndalýy, Qazaqstan Respýblıkasy zańnamasynyń, Standarttardyń, halyqaralyq standarttardyń, memlekettik aýdıt jáne qarjylyq baqylaý júrgizýdi reglamentteıtin qujattardyń tıisti erejelerine, negizgi termınderge (uǵymdarǵa) jáne olarǵa anyqtamalarǵa siltemeler ashyp kórsetiledi. «Taqyryptyq jáne basqa da bólimder» degen bólimde memlekettik aýdıttiń jáne qarjylyq baqylaýdyń qaǵıdattary, tásilderi, ádisteri, rásimderi, tetikteri jáne olardyń nátıjelerin resimdeýge qoıylatyn talaptar, sondaı-aq syrtqy memlekettik aýdıt jáne qarjylyq baqylaý organdary qyzmetiniń baǵyttary ashyp kórsetiledi. Árbir rásimdik standart úshin taqyryptyq bólimderdiń ataýlary olardyń erekshelikteri eskerile otyryp aıqyndalady. «Qosymshalar» degen bólimde rásimdik standartta siltemesi bar nysandar men qujattar (aqparat, kesteler, esepteýler, dıagrammalar, materıaldar) qamtylady. Syrtqy memlekettik aýdıttiń jáne qarjylyq baqylaýdyń rásimdik standarttaryn ázirleý men bekitý qaǵıdalaryna qosymsha Syrtqy memlekettik aýdıttiń jáne qarjylyq baqylaýdyń rásimdik standarttarynyń synyptamasy Rásimdik standarttyń kody Syrtqy memlekettik aýdıttiń jáne qarjylyq baqylaýdyń rásimdik standarttarynyń júıesi 1 2 1-bólim. Qyzmetti josparlaý 001-099 Syrtqy memlekettik aýdıt jáne qarjylyq baqylaý organdarynyń qyzmetin josparlaý 2-bólim. Syrtqy memlekettik aýdıtti júrgizý 100-499 Syrtqy memlekettik aýdıtti júrgizý 100-199 Tıimdilik aýdıti 101-199 Memlekettik basqarý salalary jáne ekonomıkanyń salalary boıynsha tıimdilik aýdıtin júrgizýdiń erekshelikteri 200-299 Sáıkestik aýdıti 201-299 Memlekettik basqarý salalary jáne ekonomıkanyń salalary boıynsha sáıkestik aýdıtin júrgizýdiń erekshelikteri 300-399 Qarjylyq eseptilik aýdıti 302-399 Memlekettik basqarý salalary boıynsha qarjylyq eseptilik aýdıtin, shoǵyrlandyrylǵan qarjylyq eseptilik aýdıtin júrgizýdiń erekshelikteri 400-599 Aýdıttiń mamandandyrylǵan salalary 400-499 Tıimdilik aýdıtiniń mamandandyrylǵan salalary 500-599 Sáıkestik aýdıtiniń mamandandyrylǵan salalary 600-699 Úshinshi tulǵalardyń jumysyn paıdalaný 3-bólim. Memlekettik aýdıttiń sapasyn baqylaý 700-749 Memlekettik aýdıt jáne qarjylyq baqylaý standarttarynyń saqtalýyn baqylaý 750-799 Syrtqy memlekettik aýdıt jáne qarjylyq baqylaý organdary júrgizetin aýdıttiń sapasyn baqylaý 4-bólim. Qarjylyq baqylaý 800-899 Qarjylyq baqylaýdyń den qoıý sharalary 5-bólim. Saraptamalyq-taldaý qyzmeti jáne eseptilik 900-999 Syrtqy memlekettik aýdıt jáne qarjylyq baqylaý organdarynyń saraptamalyq-taldaý qyzmeti 6-bólim. Syrtqy memlekettik aýdıt jáne qarjylyq baqylaý organdarynyń ózara is-qımyly 1000-1099 Syrtqy memlekettik aýdıt jáne qarjylyq baqylaý organdarynyń ózara is-qımyly Buıryq Qazaqstan Respýblıkasynyń Ádilet mınıstrliginde 2015 jylǵy 24 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12499 bolyp engizildi.