PETROPAVL. 28 qańtar. Aımaq basshysy Erik Sultanov, ishki ister mınıstriniń orynbasary Erlan Turǵynbaevtyń qatysýymen ótken alqaly jıynda oblystyq ishki ister departamentiniń bastyǵy Berik Bilálov 2015 jyldyń qorytyndylary men aldaǵy mindetter jaıly baıandady. Bul týraly oblystyq ishki ister departamentiniń baspasóz qyzmetine silteme jasaǵan egemen tilshisi habarlady.
Baıandamada keltirilgendeı byltyr 10 myńǵa jýyq ártúrli qylmys tirkelgen. Aýyr qylmystar - 29, kisi óltirý-19, tonaý - 17, bopsalaý - 51, adam zorlaý - 19 paıyzǵa kemigen. О́zgeniń dúnıe - múlkin urlaý barlyq qylmystardyń 60 paıyzyn quraıdy. Balalar qylmysynyń, jol-kólik oqıǵalarynyń da azaıǵany baıqalady.
Basqosýda qylmystyq-atqarý júıesi oblystyq basqarmasy bastyǵynyń mindetin atqarýshy Bókenbaı Júsipovtyń, oblystyq tótenshe jaǵdaılar departamentiniń bastyǵy Pavel Fılıppovtyń, jergilikti polısııa qyzmetiniń bastyǵy Qanant Aıtbaevtyń esepteri tyńdaldy.
Ishki ister vıse-mınıstri Erlan Turǵynbaev basty nazardy profılaktıkalyq, quqyqtyq sharalardy kúsheıtýdi, qylmystardyń aldyn alýdy talap etti.
Erik Hamzauly jastar máselesin, buryn sottlaǵan adamdarmen túsinik-tárbıe jumystaryn, jurtshylyqpen baılanysty nyǵaıtýdy atap kórsetti.
Jıyn sońynda túrli atalymdar boıynsha eń úzdik polısııa qyzmetkerleri marapattaldy.
Onda Aıyrtaý aýdany jeńimpaz retinde tanyldy.
О́mir Esqalı.
Derek, sýret: oblystyq ishki ister departamentiniń baspasóz qyzmeti.
