AQMOLA. 28 qańtar. Oblys ákimi Sergeı Kýlagın Býrabaı aýdanyna jasaǵan jumys sapary barysynda Shýchınsk qalasyndaǵy táligine 60 tonna maı shyǵaratyn jańa zaýyttyń jumysymen tanysty. Bul týraly oblys ákiminiń baspasóz qyzmetine silteme jasaǵan egemen.kz tilshisi habarlady.
Jańadan ashylǵan «Bota» jaýapkershiligi shekteýli seriktestigi kásiporny táýligine 200 tonna maıly daqyldardy óńdep, joǵary sapaly ósimdik maıyn óndiredi.
«Memleket basshysy bizdiń aldymyzǵa aýyldarda shaǵyn bıznesti belsendi damytý týraly tapsyryp keledi. Kásiporyn 25 adamdy turaqty jumys oryndarymen qamtamasyz etip otyr. Eń bastysy, bul jerde otandyq ónim óndirilýde. Men sizderdiń jumystaryńyzǵa sáttilik tileımin, múmkindiginshe qoldaý kórsetemiz», – dedi Sergeı Kýlagın.
Seriktestik dırektory Ermek Sháıkenovtiń aıtýynsha, daıyn ónim Qazaqstannyń barlyq aımaqtaryna taratylady. Kásiporyn atalǵan ǵımaratty jóndeýge jáne modernızasııalaýǵa 140 mıllıon teńge jeke qarajatyn jumsaǵan. Jobanyń jalpy quny 252 mıllıon teńgeni quraıdy. Bul qarjynyń 75,8 mıllıon teńgesi Germanııa jáne Túrkııa elderinen qondyrǵylar alýǵa, 1,9 mıllıon teńgesi baǵdarlamalyq qamtýǵa jumsalǵan.
Baqbergen Amalbek.
Derek, sýret: egemen.kz.
