AQMOLA. 28 qańtar. Stepnogor qalasyndaǵy soǵys jáne tyl ardageri Klavdııa Koshalevany 99 jasqa tolýymen ardagerler keńesi men mektep oqýshylary quttyqtady. Bul týraly Aqmola oblystyq medıa ortalyǵyna silteme jasaǵan egemen.kz tilshisi habarlady.
1917 jyly týǵan Koshaleva Klavdııa Ivanovna qańtar aıynda óziniń 99 jyldyq mereı toıyn qarsy aldy. Osyndaı ataýly merekemen qalalyq ardegerler keńesiniń tóraıymy Farıda Esjanova men onyń orynbasary Elena Jılıkova týǵan kún ıesin arnaıy quttyqtap qaıtty. Sonymen qatar Klavdııa apaıdy quttyqtaýǵa №2 orta mektep dırektorynyń tárbıe isi boıynsha orynbasary Svetlana Shvesova men mektep tálimgeri Aıjan Baqbergenova da bardy.
Ardagerler keńesiniń atynan toı ıesine syılyq tartý etilip, jyly lebizder bildirildi. №2 orta mektep ustazdary da balalar qolymen jasalǵan buıymdardy syıǵa usynyp, shaǵyn konserttik baǵdarlama qoıdy.
Klavdııa apaı - Orynbor óńiriniń týmasy. Turmysqa shyqqan sátten bastap Qyrǵyzstanǵa jer aýdarylǵan. Uly Otan soǵysynyń ardageri eńbek maıdanynda da ozattar sapynda boldy. Jubaıy ómirden ozǵan soń Qyrǵyz elinen Qazaqstanǵa kóship kelip, 4 baladan órbigen nemere-shóbereleriniń qyzyǵyn kórýde.
Baqbergen Amalbek.
Derek, sýret: egemen.kz.
