Petropavlda jol apatynan 4 adam qaza tapty

PETROPAVL. 28 qańtar. Kókshetaý-Petropavl trassasy boıynda «jedel járdem» men jeńil kólik soqtyǵysyp, 7 adamnyń 4-ýi qaza tapty. Qalǵandary ártúrli dene jaraqatyn alyp, jaqyn mańaıdaǵy aýrýhanaǵa jetkizildi. Bul týraly oblystyq jergilikti polısııa qyzmetiniń baspasóz qyzmetine silteme jasaǵan egemen.kz tilshisi habarlady. Jol-kólik apaty Kókshtaý men Kellerovka arasynda oryn alǵan. Astanadan jolaýshy alyp kele jatqan О́serbaı esimdi jeńil kóliktiń ıesi qarsy baǵyttaǵy «jedel járdem» mashınasyn baıqamaı qalǵan. Onyń qamsyzdyǵyna sol kúngi uıytqı soqqan syrma jel men alda ketip bara jatqan tirkemeli eki júk kóligi sebep bolǵan. Jedel járdemniń júrgizýshisi men feldsher jáne jeńil kóliktiń ıesi men janyndaǵy jolaýshy oqıǵa ornynda qaza tapty. «Qazir jedel tergeý amaldary júrgizilip, jol apatynyń sebepteri anyqtalýda», – deıdi jergilikti polısııa qyzmetiniń ókilderi. О́mir Esqalı. Derek: oblystyq jergilikti polısııa qyzmetiniń baspasóz qyzmeti. Sýret: progorod11.ru.