Ford Motor avtokonserni 2015 jyly 10,8 mıllıard dollar paıda tapty

ASTANA. 28 qańtar. AQSh-tyń eń iri Ford Motor avtokompanııasynyń 2015 jylǵy kirisi mamandar boljamynan asyp tústi. Tutynýshylar arasynda ásirese jol talǵamaıtyn kólik pen jeńil júk kólikterine degen suranys óte joǵary. Bul týraly interfax.ru saıtyna silteme jasaǵan egemen.kz tilshisi habarlady. О́tken jylǵy tabys mólsheri salyq salynǵa deıin 10,8 mıllıard dollardy qurady. Mundaı kórsetkish avtokompanııa qurylǵaly bergi 111 jyl ishinde bolmaǵan. Al Ford Motor basshylyǵy 8,5 mıllıard dollar men 9,5 mıllıard dollar aralyǵyna boljam jasaǵan. Osyǵan baılanysty jalpy sany 52,7 myń qyzmetkerine 9,3 myń dollar syıaqydan taǵaıyndady. Kompanııa basshylyǵynyń aıtýynsha, 2015 jyldyń qazan men jeltoqsan aılarynyń aralyǵynda túsken paıda 1,9 mıllıard dollardy quraǵan. Bul 2014 jylmen salystyrǵanda eki ese kóp. Al shyǵyndardy alyp tastar bolsa, barlyǵy 7,4 mıllıard dollar taza paıda túsken. Aıan Ábdýálı. Derek: interfax.ru. Sýret: first-americans.spb.ru.