Qazaqstan ónimderine qyzyǵýshylyq tanytyldy

«Qazaqstan temir joly» AQ prezıdenti Asqar Mamın jaqynda «Rohı ohanı Tochıkıston» («Tájikstan temir joly») memlekettik ýnıtarlyq kásipornynyń basshysy Komıl Mırzoalımen kezdesip, kelissóz júrgizdi. Kezdesý barysynda, temir­jol kóligi men logıstıkasy sa­la­syndaǵy ekijaqty yntymaqtastyq máseleleri talqylandy. Qa­zaq­stan astyǵyn eksporttaý men Tá­jikstanda jasaqtalǵan jolaýshylar poıyzynyń Qazaq­stan aýmaǵynda júrý sharttary má­se­leleri qarastyryldy. Kelissóz qorytyndysy boıynsha, temirjol ákimshilikteriniń basshylary A.Mamın men K.Mırzoalı 2016 jyly Tájikstanǵa temirjol mashına jasaý ónimderiniń keń kólemin satý týraly kelisimge qol qoıdy. Qol qoıylǵan kelisim sheń­berinde taraptar teplovozdar, temirjolǵa qajetti basqa da qural-jabdyqtar men jóndeý keshenderi, júk jáne jolaýshylar vagondaryna arnalǵan dońǵalaqtar satý salasyndaǵy yntymaqtastyqty jalǵastyratyn bolady. Qu­jat­tyń bir pýnkti Aqtóbe rels arqa­lyqtary zaýytynda shyǵary­latyn R-65 relsterin Tájikstan temir­jolyna satý bolyp tabylady. Astanaǵa sapary sheńberinde «Tájikstan temir joly» ká­sipornynyń ókilderi «Loko­motıv qurastyrý zaýyty» AQ-ta, «Tulpar Talgo» JShS-inde boldy. Olar Qazaqstandaǵy aldyńǵy qatarly tehnologııalarmen, temir­jol mashına jasaý salasyn ári qaraı damytýdyń perspektıvaly josparlarymen tanysty. Tájikstan delegasııasy, son­daı-aq, «Qazaqstan temir joly» UK» AQ-tyń fılıaldary – «Kó­liktegi tehnologııalar orta­lyǵy» men «Tasymaldaýlardy bas­­qa­rý ortalyǵynda» boldy. «Egemen-aqparat».