El senimin aqtaý – abyroıly is

*Delegattar lebizi «Nur Otan» partııasynyń XVII sezine qatysýǵa Qostanaı oblysynan arnaıy delegasııa keldi. Olardyń arasynda ártúrli sala mamandary, iri kásiporyndardyń jetekshileri, zııaly qaýym, úkimettik emes jáne jastar uıymdarynyń ókilderi jáne partııa fılıaldarynyń basshylary men qyzmetkerleri bar. Osy oraıda, biz atalǵan delegasııanyń birqatar múshelerimen tildesken edik. Lıýdmıla GALSOVA, «Nur Otan» partııasy Qostanaı oblystyq fılıaly saıası keńesiniń múshesi, «Jaılaý» saýyqtyrý kesheniniń bas dárigeri: – Men Elbasy Nursultan Nazarbaev Tóraǵasy bolyp tabylatyn «Nur Otan» partııasynyń sezine birinshi ret qatysaıyn dep otyrǵanym joq. Buǵan deıin de partııamyzdyń osyndaı alqaly jıynyna qatysyp, kóptegen mańyzdy sheshimderdiń el ıgiligi úshin qabyldanýyna óz daýysymdy bergen bolatynmyn. Mine, maǵan partııamyzdyń sezine taǵy da qatysýǵa múmkindik týyp tur. Bul – men úshin úlken qýanysh. Jalpy, partııamyzdyń kezekten tys XVII seziniń qoǵamymyz úshin mán-mańyzy joǵary. О́ıtkeni, sezde partııanyń saılaýaldy baǵdarlamasy qabyldanyp, uıymymyzdyń atynan depýtattyqqa úmitkerler anyqtalady. Al partııa aıasynda qolǵa alynatyn bul sharýalardyń qoǵam ómirine tikeleı qatysy bolatyny aıtpasa da túsinikti. Mıhaıl DÁÝENOV, «Nur Otan» partııasynyń múshesi, Ult­tyq qaýipsizdik komıtetiniń general-maıory, A.Baıtursynov atyndaǵy Qostanaı memle­kettik ýnıversıteti rektorynyń keńesshisi: – Elbasy saıasatyn qoldaýda, halyqtyń áleýmettik jaǵdaıyn arttyrý baǵytyndaǵy ju­mystarda belsendi is-qımylymen erekshelenetin partııamyzdyń seziniń shaqyrylýy – shyn máninde úlken oqıǵa. О́zderińiz bilesizder, Májilis depýtattary Elbasyna úndeý joldap, Májilis saılaýyn kezekten tys ótkizýdi suraǵan bolatyn. Depýtattardyń bul bastamasy Qazaqstan azamattary tarapynan keńinen qoldaý taýyp, sodan keıin, ıaǵnı 20 qańtar kúni Prezıdent Nursultan Nazarbaev besinshi shaqyrylǵan Parlament Májilisin taratý jáne Májilis depýtattarynyń kezekten tys saılaýyn ótkizý týraly Jarlyqqa qol qoıǵan-dy. Bul tarıhı sheshim boldy. О́ıtkeni, qazirgi daǵdarys ıektep, túrli syn-qaterler eleńdetken ýaqytta bul qadamnyń tıimdi ekeni anyq. Negizinde, ýaqyt talabynan týyndap otyrǵan jańa mindetterdi oryndaý úshin qoǵamǵa serpilis kerek. Sol úshin de jańa Májilis jasaqtalǵany jón. Osy oraıda partııamyzǵa halyqtan jańa senim mandatyn alýǵa múmkindik týyp tur. Ibrash ESTAEV, «Nur Otan» partııasynyń múshesi, ekonomıka ǵylymdarynyń kandıdaty, «Svetlyı Djarkol» JShS dırektory: – Shyn máninde, qazirgi tańda «Nur Otan» partııasynyń elimizdegi bedeli óte joǵary. Bizdiń uıym qurylǵaly beri elimizdiń damýyna, halqymyzdyń ál-aýqatyn jaqsartýǵa baılanys­ty kóptegen jumystar atqaryp keledi. Munyń barlyǵyna halyq kýá. О́zderińiz bilesizder, búginde daǵdarys álegi, túrli syn-qaterler barshamyzdy alańdatyp otyr. Partııamyzdyń osyndaı jaǵdaıda óz sezin ótkizip, ótkendi bir qorytyndylap, alda turǵan mindetterdi jańa qarqynmen eńserýge nıet bildirýi quptarlyq is. Sezde qaralatyn máseleler óte mańyzdy. Onda qabyldanatyn sheshimder halyq kóńilinen shyǵady dep esepteımin. Serikbaı ShAIMAǴAMBETOV, «Nur Otan» partııasy Qostanaı oblystyq fılıaly baspasóz qyzmetiniń jetekshisi: – «Nur Otan» partııasynyń XVII sezine Qostanaı óńirinen 50-den astam delegat keldi. Olardyń barlyǵy da osynaý bedeldi sezge qatysýǵa múmkindik alǵandaryna óte qýanyshty. Qostanaılyq delegattar aldaǵy saılaý naýqanynyń el ómirindegi ornyn jete túsinedi. Qazirgi tańda bizdiń partııamyzdyń halyqpen tyǵyz baılanysa jumys isteýde mol tájirıbesi bar. «Nur Otan» partııasy Qostanaı oblystyq fılıaly da óz kezeginde el aldyndaǵy jaýapkershiligin tereń túsinip, halyq senimine selkeý túsirmeı qyzmet kórsetip keledi. Jalpy, sezdiń kún tártibine shyǵarylatyn máseleler belgili. Onda qozǵalatyn jaǵdaıattar, qabyldanatyn sheshimder el-jurtymyzdyń kókeıinde júrgen arman-tilegimen úndestik tabady dep oılaımyn. О́ıtkeni, osynaý aýqymdy shara halyq ıgiligi úshin atqarylyp jatqany kúmán týdyrmaıdy. Daıyndaǵan Joldybaı Bazar, «Egemen Qazaqstan».