Mańǵystaýda jolaýshylar poıyzy men gaz tıegen kólik soqtyǵysty

AQTAÝ. 28 qańtar. Mańǵystaý oblysynda jolaýshylar poıyzy men gaz tıegen kólik soqtyǵysty. Bul týraly lada.kz saıtyna silteme jasaǵan egemen.kz tilshisi habarlady. Oqıǵa búgin Mańǵyshlaq-Beıneý ýchaskesiniń №6 beketi mańyndaǵy ótkelde kúndizgi saǵat 15:50 shamasynda bolǵan. Apatqa ushyraǵan poıyz sol kúni tańerteń Mańǵyshlaq stansasynan attanǵan «Mańǵyshlaq-Almaty» jolaýshylar poıyzy, al gaz quıylǵan sısternaly kólik «QaraqudyqMunaıGaz» AQ-na tıesili bolyp shyqty. «Men jaqyn mańnan ótip bara jatyp, apatty óz kózimmen kórdim. Poıyz mashınısi uzaq dabyl qaqty, biraq gaz tasýshy kólik toqtamady. Nátıjesinde ekeýi soqtyǵysyp, poıyz kólikti 40 metrdeı jerge ysyryp ákeldi. О́rt bolǵan joq, biraq oqıǵa ornyna jaqyn barý múmkin bolmady. Sebebi, gazdyń ıisi qatty shyǵyp turdy», – deıdi oqıǵa kýágeri. Oqıǵa ornyna «QaraqudyqMunaı» JShS jáne «Kenesary» JShS qutqarýshylary men órt sóndirýshileri kelip jetken. Apat saldarynan 1963 jylǵy avtokólik júrgizýshisi mert bolyp, mashınıstiń kómekshisi jaraqat alǵan. Sondaı-aq, lokomotıvtiń bir seksııasynyń aldyńǵy bóligi japyrylǵan. О́tkel aldynda turǵan avtokóliktiń kenet qozǵala bastaǵanyn kórip, saǵatyna 50 shaqyrym jyldamdyqpen kele jatqan poıyz mashınısi shuǵyl tejegishti basýǵa sheshim qabyldaǵanymen, araqashyqtyqtyń az bolýyna baılanysty soqtyǵysýdyń aldyn alý múmkin bolmaǵandyǵyn aıtqan. Qazirgi tańda oqıǵa ornynda tergeý jumystary júrgizilýde. Eske sala keteıik, 2013 jyly 16 qarashada Aqtaý qalasynan qashyq emes jerde taýar tıegen poıyz ben júk kóliginiń soqtyǵysýy saldarynan teplovoz mashınısiniń kómekshisi qaza tapqan bolatyn. Gúlaıym Shyntemirqyzy. Derek, sýret: lada.kz.