Aqtaýda kósheniń qaq ortasynda er adam áıeldi tepkilep tastady

AQTAÝ. 28 qańtar. Aqtaýda belgisiz áıelge shabýyl jasaǵan er adam ony tepkilep sabady. Bul týraly nur.kz saıtyna silteme jasaǵan egemen.kz tilshisi habarlady. Oqıǵa budan birneshe kún buryn Aqtaý qalasynyń 27-shaǵyn aýdanynda ornalasqan «Malıka» balabaqshasynyń mańynda bolǵan. Er adam ózin tanymaıtyn áıelge kútpegen jerden shabýyl jasap, ony shashynan súırep, sabaǵan. Soqqy saldarynan kelinshek jerge qulaǵan soń, er adam ony tepkiniń astyna alǵan. Aýyr soqqydan jaraqat alǵan 39 jastaǵy kelinshek aýrýhanaǵa jetkizildi. Tártip saqshylary oqıǵanyń izin sýytpaı, kúdiktini qolǵa túsirdi. Ol Aqtaý qalasyndaǵy 15-shaǵyn aýdannyń 39 jastaǵy turǵyny eken jáne onyń balasy «Malıka» balabaqshasynda tárbıelenetini belgili boldy. Ázirge jigittiń áıeldi ne úshin sabaǵany belgisiz. Qazirgi tańda sotaldy tergeý jumystary júrgizilýde. Gúlaıym Shyntemirqyzy. Derek: nur.kz. Sýret: mhealth.ru.