Ishteı uıysaq qana utatynymyzdy túsindirdi

Búginde elimizde Parlament Májilisi men barlyq deńgeıdegi máslıhattar depýtattarynyń kezekten tys saılaýy naýqany bas­taldy. Osyǵan oraı jetekshi partııa – «Nur Otan» partııasynyń kezekten tys HVII sezi ótti. Onda Elbasy Nursultan Nazarbaevtyń baıandamasynda aıtylǵan máselelerdiń barlyǵy da búgingi ýaqyttyń tynysyn dóp basady. Búkil álemdi bir tarynyń qaýyzyna syıǵyzǵan qarjy daǵdarysy, alpaýyt memleketter arasyndaǵy saıası jáne ekonomıkalyq teketirester saldary Qazaqstandy da aınalyp kete almady. Jahandaný kezeńinde eshqandaı memleket bir kemeniń ústindegi jolaýshydaı álemnen tys tura almaıdy. Qazaqstan da muny bastan keship otyr. Degenmen, Elbasy Qazaqstan osy daǵdarystyń, jahandaný úderisiniń ıirimine túsip ketpeý úshin tyǵyryqtan qalaı shyǵýdyń joldaryn taǵy da qolmen qoıǵandaı etip kórsetip aıtty. Daǵdarysqa qarsy baǵdarlama júzege asatyn bolady. Keń kólemdi jekeshelendirý, bıznesti damytý, naryqtyq taza básekeni qalyptastyrý, eń bastysy, ýaqyt talabyna saı únemdeı bilýdi naqtylady. «Myń ólip, myń tirilgen» atalarymyz «Qoıyp ishseń – qoı qalady, tartyp ishseń – taı qalady», «kórpeńe qaraı kósil» degen ǵoı. Bul másele týraly Elbasynyń sózi júrekterge jetti, árkim odan ishteı túıin jasaıdy dep oılaımyn. Tynyshtyǵy joq, berekesi ketken elderde ne bolyp jatqanyn búkil álem kórip otyr. Sondyqtan, adamdar úshin beıbit kúnnen, óz Otanyńnan, otyńnyń basynan artyq ne bar? Partııa sezinde Elbasy baqyttyń, qyzyq ómirdiń barlyǵy da Otanymyzda, týǵan jerde ekenin aıtty. Qazaqstanda jasalǵan jaǵdaıdyń yqpalymen baıyp alyp, endi nıeti dalaǵa aýǵandardyń isi durys bolar ma edi? Elbasy aıtqandaı, shetelderde qarjysy, jyljymaıtyn múlki barlar olardy jarııalap, sol qarjyǵa ózin ósirgen týǵan elinde, Otanynda kásiporyndar ashsa, otan­dastaryna jumys oryndaryn usynsa, bul úlken adamgershiliktiń isi bolar edi. Munyń ózi syrtqy, qandaı da bóten kúshterdiń yqpalyna aldyrmas, ishteı uıý, birigý, kúsheıý bolar edi. Solaı bolaryna senemiz. О́ıtkeni, ekonomıka damysa, áleýmettik sala gúldene bastaıdy. О́zim osy salada qyzmet etkendikten, adamdar turmysynyń, densaýlyǵynyń jaqsarýy jalpy elimiz damýyna tikeleı táýeldi ekenin jaqsy bilemin. «Nur Otan» partııasynyń kezekten tys sezinde aıtylǵan máseleler otandastarymdy jaqsy isterge umtyldyryp, taǵy da rýhanı kúsh berdi. Názıma ASANOVA, Qostanaı psıhonevrologııalyq ınternat úıiniń dırektory. QOSTANAI.