Erekshe áser aldym

«Nur Otan» partııasynyń Astanada ótken kezekten tys XVII sezinde partııa Tóraǵasy, Elbasy Nursultan Nazarbaevtyń jasaǵan baıandamasyn zeıin qoıyp, muqııat tyńdadym. Erekshe áser aldym. Memlekettik saıasatqa saı ózindik úlesimdi qosyp eńbek etip júrgen «Nur Otan» partııasynyń aldyna qoıǵan tuǵyrnamany múltiksiz oryndasaq, elimiz aldaǵy bes jylda órkenıetti damyǵan elder qataryna qosylýdyń berik qadamyn nyq basatyny anyq. Kóshbasshymyz jastardyń zaman talabyna saı oqyp, eńbek etýine jarqyn jol ashylǵanyn, bilim berý men densaýlyq saqtaý salalaryn damytqan ústine damyta túsýdi erekshe aıtyp ótti. Barlyq qajettilikterdi syrttan tasymaı ishki dúnıeni uqsata bilýdi, ózimizdikin ózimiz óńdep paıdalanýdy naqtylady. Bul degenimiz rynokta teńgemen jumys isteýdiń mańyzdylyǵyn bildirýdiń, aıqyn basymdyǵyn ańǵartýdyń alǵashqy qadamy bolyp ta sanalady. Qazaqstanda shyǵarylatyn san alýan shıkizatty elde jumys istep turǵan óndiris ornyna satý, sosyn zaýytymyzdan shyǵarylǵan sol ónimdi tutynýshylar tapsyrysyna saı satyp alýda teńgemen jumys isteý kerektigin uǵyndyrǵany qandaı tamasha! Mysalǵa, álemdik rynokta úlken suranysqa ıe bolyp turǵan alıýmınıı sekildi otandyq ónimdi óńdep, qurylys qajettiligin óteýge erekshe nazar aýdardy. Bul rette ındýstrııalandyrýdyń orny bólek. Otandyq ónimdi durys paıdalana bilý degende bir ǵana kartopty alsaq, bizden shıkizat esebinde óte arzan baǵada tonnalap satyp áketetin kórshilerimiz qytyrlaq kartop sekildi úlken suranys týdyratyn ónimderin qaıtadan ózimizge qymbat baǵaǵa satatyny jasyryn emes. Nege biz ózimiz sondaı ónim óndire alatyn óndiris oryndaryn biri­nen ekinshisin asyryp salmaımyz. Sondyqtan, qaltaly azamattar qyrýar qarajatyn shetelderde jasyrǵansha el qajettiligi úshin Qazaqstanǵa ákelip ózine de, eline de paıda beretin jumysqa salsyn. Ondaı azamattarǵa eshqandaı qysym da, basqa áreketter de jasalmaıtyndyǵyna kepil bolyp, senim beretindigin de Elbasy ashyq aıtty. Munyń túbi memleket múddesi úshin istelinetin ıgilikti is ekenin sol azamattar túsinýi kerek. Elbasynyń áserli baıandamasynda bizge bereke bas­taýy birliktiń, ındýstrııalandyrýdyń kerektigi aıqyn ańǵarylyp qana qoımaı, jete túsindirildi. Zaman talabyna saı zań­gerler bilek sybana eńbek etýleri qajet­tigi uǵyndyryldy. Qoryta kelgende, Elbasy baıandamasyn tyńdaǵan soń, ózimniń túıgen bir oıym – Almaty oblysy agrarly óńir bol­ǵandyqtan, aýyl sharýashylyǵy ónimderi jetip-artylady. Sol ónimdi qaıta óńdeıtin óndiris oryndary Jetisý jerinde de jarysa salynyp jatsa, nur ústine nur bolar edi. Oǵan senim de bar. О́ıtkeni, óńirde memlekettik saıasatqa saı atqarylyp jatqan san ıgi istiń kýási bolyp júrmiz.  Serik MUQANOV, «Nur Otan» partııasy Almaty oblystyq fılıaly tóraǵasynyń birinshi orynbasary.