ASTANA. 30 qańtar. Mádenıet jáne sport mınıstrliginde Rıo-de-Janeıro qalasynda ótetin XXXI Jazǵy Olımpııa oıyndaryna qatysatyn sportshylardyń sporttyq kıimine arnalǵan komıssııanyń otyrysy ótti. Bul týraly Mádenıet jáne sport mınıstrligi Sport jáne dene shynyqtyrý isteri komıtetiniń baspasóz qyzmeti habarlady.
Jıynda komıssııanyń sheshimimen sporttyq kıimdi tigýge beriletin memlekettik tapsyrysty otandyq kompanııalarǵa berý jóninde sheshim qabyldandy. Sonymen birge otyrysta otandyq kıim óndirýshilerdiń usynystary ortaǵa salyndy.
Komıssııa otyrysyna Olımpıada chempıondary Ermahan Ibraımov, Iýrıı Melnıchenko, Olga Shıshıgına, dızaınerler, Mádenıet jáne sport mınıstrligi men Ulttyq olımpıada komıtetiniń ókilderi qatysty. Komıssııa músheleri kıimniń sapasy, tigis sapasy men dızaıny týraly aıtty. Olar eń bastysy kıimniń sportshylar úshin yńǵaıly bolý kerek degen toqtamǵa keldi.
Osy jerde aıtatyn nárse, buǵan deıingi Sochıde ótken Qysqy Olımpııa oıyndaryna sportshylardyń kıimin otandyq kompanııa ázirlegen bolatyn. Endi Rıo-de-Janeıro Olımpıadasyna da Qazaqstan delegasııasy otandyq sporttyq kıimmen baratyn bolady.
Dastan Kenjalın.
Derek, sýret: Qazaqstan Respýblıkasy Mádenıet jáne sport mınıstrligi Sport jáne dene shynyqtyrý isteri komıteti.
