«Nur Otan» partııasynyń saılaýaldy shtaby quryldy

ASTANA: 30 qańtar. «Nur Otan» partııasynyń respýblıkalyq saılaýaldy shtaby quryldy. Bul týraly «Nur Otan» partııasynyń baspasóz qyzmetiniń aqpary boıynda egemen.kz tilshisi habarlady. Búgin partııanyń ortalyq apparatynda ótken brıfıngte partııa Tóraǵasynyń birinshi orynbasary Asqar Myrzahmetov Májilis saılaýyna respýblıkalyq saılaýaldy shtabtyń qurylǵanyn, onyń  quramyna qoǵam qaıratkerleri men partııanyń saıası keńesiniń músheleri kirgenin aıtty. Soynmen birge ol partııanyń kezekten tys XVII sezinde Parlament Májilisiniń depýtattary saılaýyna arnalǵan partııalyq tiziminiń bekitilip, jańa saılaýaldy baǵdarlamanyń qabyldanǵanyn atap ótti. Asqar Myrzahmetov shtab jumysynyń basty mindeti – «Nur Otan» partııasynyń parlamenttik jáne máslıhat saılaýynda halyqtyń basym bóliginiń daýysyn jınaýy, dedi. Partııanyń baspasóz qyzmetiniń habarlaýynsha, qazirgi tańda partııada áleýmettik toptarǵa jatatyn turǵyndarmen naqty is-qımyl jospary ázirlenip, respýblıkalyq jelilik keste qabyldanyp, medııalyq jospar bekitildi. «Elimizdiń barlyq óńirlerinde senimdi ókilder men partııa belsendileriniń jumysyn úılestiretin dál osyndaı 16 aımaqtyq jáne 208 aýmaqtyq shtab qurylady. Olardyń quramynda 3,5 myńnan asa adam bolady. Barlyq shtabtardyń jumysyna 29 myńnan astam senimdi ókil, sondaı-aq 27 myńnan astam partııa belsendileri qatysady», dep habarlady baspasóz qyzmeti.. Respýblıkalyq saılaýaldy shtabty partııa Tóraǵasy Nursultan Nazarbaevtyń tapsyrmasymen Asqar Myrzahmetov basqarady. Dastan Kenjalın. Derek: nurotan.kz Sýret: personalakorda.kz