Leonardo Dı Kaprıo «úzdik akter» ataǵyn ıelendi

ASTANA. 31 qańtar. AQSh-ta Gıldııa kásibı odaǵynyń ótkizgen saltanatty keshinde Leonardo Dı Kaprıo «Itjandy» (The revenant) fılmindegi róli úshin «úzdik akter» nomınasııasyn jeńip aldy. Bul týraly interfax.ru saıtyna silteme jasaǵan egemen.kz tilshisi habarlady. Leonardo Dı Kaprıonyń básekelesteri retinde Djonnı Depp, Maıkl Fassbender, Eddı Redmeın jáne Braıan Krenston tanyldy. Jeńimpaz osyǵan deıin úzdik dramalyq róli úshin halyqaralyq kınobasylymdardyń tańdaýymen «Altyn globýs» jáne AQSh-tyń «Synshylar tańdaýy» (Critic’s choice) syılyǵynyń jeńimpazy atanǵan. Sondaı-aq, osy fılmi úshin 28 aqpan kúni ótetin «Oskar» syılyǵynyń úmitkerler tizimine endi. Saltanatty keshte «úzdik aktrısa» nomınasııasyn «Bólme» (Room) fılminde basty róldi somdaǵan Brı Larson jeńip aldy. Al ekinshi jospardyń úzdik aktrısasyn «Danııadan kelgen qyz» (The danish girl) fılminde oınaǵan Alısııa Vıkander ıelendi. Sondaı-aq, «Qańǵybas ańdar» (Beasts of no nation) fılmindegi Idrıs Elba soǵan bara-bar er adamdar arasyndaǵy nomınasııaǵa qol jetkizdi. «Basty nazarda» (Spotlight) fılmin somdaǵandardy úzdik akter ujymy retinde moıyndady. Saltanatty keshte «Kartochkaly úıshik» (House of cards) fılminde oınaǵan Kevın Speısı dramalyq serıaldyq úzdik akteri ataǵyn aldy. Al áıelder arasynda osy nomınasııany «О́limnen qalaı qutylýǵa bolady» (How to get away with murder) serıaly úshin Vıola Devıs jeńip aldy. Komedııaly serıaldar arasynda Ýzo Adýba «Maýsym hıty – qyzǵylt sary» (Orange is the new black) úshin «úzdik akter» retinde tanyldy. Al shaǵyn serıaldyń úzdik aktrısasy ataǵyn «Blıýz bıinde tek qana Bessı» serıalyn somdaǵan Kýın Latıfa jeńip aldy. «Lıýtera» fılminiń ótken jyly kezekti maýsymynda oınaǵan Idrıs Elba «úzdik akter» atandy. Aıan Ábdýálı. Derek, sýret: interfax.ru.