Qapshaǵaıdaǵy áskerı bólimde serjant óz-ózine qol jumsady

ASTANA. 1 aqpan. 31 qańtar kúni Qapshaǵaı qalasynyń Aeroutqyr áskerlerine qarasty 32363 áskerı bóliminde 1992 jyly týǵan kishi serjant Ashat Qazaqpaev óz-ózine qol jumsady. Bul týraly Qorǵanys mınıstrliginiń aqpary boıynsha egemen.kz tilshisi habarlady. Ol postta basynan jaraqat alǵan kúıinde tabyldy. Aldyn ala málimet boıynsha Ashat Qazaqpaevtyń telefon arqyly eki habarlama jibergeni anyqtaldy. Onyń biri – týys qaryndasynyń kúıeýine jiberilgen. Habarlamada: «Týystarym, barlyǵy úshin meni keshirińizder, eshkimdi kinálaýdyń qajeti joq, men josparlap, osylaı sheshýge bel býdym. Meni keshirińizder. Anama bas-kóz bolyńyzdar. Men barlyqtaryńdy qatty jaqsy kóremin», delingen.  Ekinshi habarlamany Gúlsara Ismaılova esimdi qyzyna jibergen. Onda serjant: «О́tinemin keshir meni, men osylaı bolǵanyn qaladym», dep jazypty. Qyzdyń aıtýy boıynsha kishi serjant Qazaqpaev aqshadan qınalyp júrgen anasynyń nesıesin tólep kelgen. Odan basqa týys inisiniń aıtýynsha, ol demalys kezinde eki ret asylý jáne kúre tamyryn kesý arqyly ózine-ózi qol jumsamaq bolǵan. Bunyń bárine anasy ekeýiniń arasyndaǵy urys-keris sebep bolýy múmkin. Áskerı bólimde qaıtys bolǵan serjantqa jaqsy minezdeme berip otyr. Qarýlastarynyń aıtýynsha, kishi serjant komandırlermen jáne jeke qurammen urys-keriske barmaǵan. Qazirgi ýaqytta osy is boıynsha tergeý júrgizilýde. Dastan Kenjalın. Derek: Qazaqstan Respýblıkasy Qorǵanys mınıstrligi. Sýret: egemen.kz